எனது கணவரை காணவில்லை. சசிகலா புஷ்பா திடுக்கிடும் புகார்
- IndiaGlitz, [Thursday,December 29 2016]
அதிமுகவின் பொதுக்குழு கூட்டம் இன்று சென்னை நடைபெற்று வருகிறது. இந்த கூட்டத்தில் சசிகலா கலந்து கொள்ளவில்லை. முதல்வர் பன்னீர்செல்வம் உள்பட அதிமுகவின் முக்கிய தலைவர்கள் இந்த கூட்டத்தில் கலந்து கொண்டனர். இந்த கூட்டத்தில் சசிகலா தலைமையை ஏற்றுக்கொள்ளவும், அவரது தலைமையின் கீழ் இயங்கவும் முடிவு செய்து இருப்பதாக தீர்மானங்கள் நிறைவேறியது.
இந்நிலையில் நேற்று அதிமுகவின் தலைமை அலுவலகத்தில் தாக்கப்பட்ட சசிகலா புஷ்பாவின் கணவர் திடீரென காணவில்லை என சசிகலா புஷ்பா அதிர்ச்சி புகார் ஒன்றை தெரிவித்துள்ளார்.
சற்று முன் அவர் அளித்த பேட்டி ஒன்றில், ''இன்று காலையில் இருந்து எனது கணவரை தேடிக்கொண்டிருக்கிறேன். அதிமுக அலுவலகத்தில் அவர் கடுமையாக தாக்கப்பட்டுள்ளார். இப்போது வரைக்கும் அவர் எங்கிருக்கிறார் என தெரியவில்லை. இது மனித உரிமை மீறல்' என்று அவர் கூறியுள்ளார்.
ஏற்கனவே தனது கணவரை தாக்கியவர்கள் மீது நடவடிக்கை எடுக்க வேண்டும் என்று அவர் புகார் அளித்துள்ளார் என்பது குறிப்பிடத்தக்கது.