கோலிவுட் திரையுலகில் அதிக படங்களில் நடித்து கொண்டிருக்கும் நடிகர்களில் ஒருவர் ஜிவி பிரகாஷ். நாயகனாக நடிப்பது மட்டுமின்றி அவர் நடிக்கும் பெரும்பாலான படங்களுக்கு இசையும் அமைத்து வருகிறார்

இந்த நிலையில் ஜிவி பிரகாஷ் நடித்து வரும் படங்களில் ஒன்று 'சர்வம் தாளமயம்'. இந்த படத்தின் படப்பிடிப்பு முடிவடைந்து போஸ்ட் புரடொக்சன்ஸ் பணிகள் நடந்து வருகிறது. ஜிவி பிரகாஷின் இசை குரு ஏ.ஆர்.ரஹ்மான் இசையமைக்கும் இந்த படம் தற்போது ஒரு பெருமையை பெற்றுள்ளது. ஆம், ஜப்பான் தலைநகர் டோக்கியோவில் நடைபெறும் 31வது சர்வதேச திரைப்பட விழாவில் திரையிட இந்த படத்திற்கு அனுமதி கிடைத்துள்ளது. கடல் கடந்த அங்கீகாரம் பெற்றுள்ள 'சர்வம் தாளமயம்' படத்திற்கு வாழ்த்துக்கள் குவிந்து வருகிறது.

ஜிவி பிரகாஷ், அபர்ணா பாலமுரளி, நெடுமுடி வேணு, வினீத் உள்பட பலர் நடித்துள்ள இந்த படத்தை ராஜீவ் மேனன் இயக்கியுள்ளார். ரவி யாதவ் ஒளிப்பதிவில், அந்தோணி படத்தொகுப்பில் உருவாகி வரும் இந்த படம் வரும் டிசம்பரில் வெளியாகவுள்ளது.