సరైనోడు లో విశాల్ సాంగ్...
- IndiaGlitz, [Friday,March 11 2016]
స్టైలీష్ స్టార్ అల్లు అర్జున్ - బోయ‌పాటి శ్రీను కాంబినేష‌న్లో రూపొందుతున్నభారీ చిత్రం సరైనోడు. గీతా ఆర్ట్స్ బ్యానర్ పై అల్లు అర‌వింద్ ఈ చిత్రాన్ని నిర్మిస్తున్నారు. ఈ చిత్రంలోని రెండు పాట‌ల‌ను చిత్రీక‌రించ‌డం కోసం సరైనోడు టీమ్ ద‌క్షిణాఫ్రికాలోని బిలీవియా వెళ్లిన విష‌యం తెలిసిందే. ఈ చిత్రానికి ఎస్.ఎస్.తమన్ సంగీతాన్ని అందిస్తున్నారు. అయితే...సరైనోడు కోసం పాపుల‌ర్ సంగీత ద్వ‌యం విశాల్ - శేఖ‌ర్ ఇద్ద‌రిలో విశాల్ డ‌డ్లాని తో ఒక పాట పాడించారు.
తెలుగులో విశాల్ కి ఇదే ఫ‌స్ట్ సాంగ్ కావ‌డం విశేషం. ఈ పాట రికార్డింగ్ అనంత‌రం విశాల్ త‌న సంతోషాన్ని ట్విట్ట‌ర్ ద్వారా తెలియ‌చేసారు. బ్రిలియంట్ తమన్ సరైనోడు కోం అద్భుత‌మైన ట్రాక్ అందించారంటూ రామ‌జోగ‌య్య‌శాస్త్రి, తమన్ ల‌తో విశాల్ కలసి ఉన్న‌ఫోటోను పోస్ట్ చేసారు. సరైనోడు ఆడియోను ఈ నెలాఖ‌రున చిత్రాన్ని ఏప్రిల్ లో రిలీజ్ చేయ‌నున్నారు.