స్టైలీష్ స్టార్ అల్లు అర్జున్ - బోయపాటి శ్రీను కాంబినేష‌న్లో రూపొందిన యాక్ష‌న్ ఎంట‌ర్ టైన‌ర్ స‌రైనోడు. ఏప్రిల్ లో ప్రేక్ష‌కుల ముందుకు రానున్న స‌రైనోడు టీజ‌ర్ ఈరోజు రిలీజ్ చేసారు. 30 సెక‌న్ ల‌ ఈ టీజ‌ర్ ను వెయ్యి స్ర్కీన్స్ లో రిలీజ్ చేస్తుండ‌డం విశేషం. అల్లు అర్జున్ స్టైల్ ఉంటూనే..బోయ‌పాటి మార్క్ తో స‌రైనోడు టీజ‌ర్ డిజైన్ చేసారు. ఒక్క సీన్ లో పాట లుక్ త‌ప్పా... మిగ‌తా అంతా ఫైట్ సీన్ చూపిస్తూ టీజ‌ర్ రూపొందించారు.

ఎర్ర తోలుతో ఉన్నాడు...క్లాస్ అనుకున్నావేమో మాస్ ఊర మాస్ అని అల్లు అర్జున్ చెప్పే డైలాగ్ హైలైట్. ఈ డైలాగ్ కి త‌గ్గ‌ట్టే త‌మ‌న్ బ్యాక్ గ్రౌండ్ స్కోర్ అందించాడు. బోయ‌పాటి మార్క్ తో రూపొందిన‌ టీజ‌ర్ ఫ్యాన్స్ ఎంత‌గానో ఆక‌ట్టుకుంటుంది. మ‌రి... టీజ‌ర్ లోనే యాక్ష‌న్ ఇలా ఉంటే...ఇక స‌రైనోడు సినిమాలో యాక్ష‌న్ ఏ రేంజ్ లో ఉంటుందో ఊహించుకోవ‌చ్చు. గీతా ఆర్ట్స్ బ్యాన‌ర్ పై అల్లు అర‌వింద్ ఈ చిత్రాన్ని నిర్మిస్తున్నారు.