స్టైలీష్ స్టార్ అల్లు అర్జున్ - స‌క్సెస్ ఫుల్ డైరెక్ట‌ర్ బోయ‌పాటి శ్రీను కాంబినేష‌న్లో రూపొందుతున్న భారీ చిత్రం స‌రైనోడు. ఈ చిత్రాన్ని గీతా ఆర్ట్స్ బ్యాన‌ర్ పై అల్లు అర‌వింద్ నిర్మిస్తున్నారు.ఈ చిత్రంలో అల్లు అర్జున్ స‌ర‌స‌న ర‌కుల్ ప్రీత్ సింగ్, కేథ‌రిన్ న‌టించారు. ర‌కుల్ ప్రీత్ సింగ్ విలేజ్ గాళ్ గా న‌టించ‌గా, కేథ‌రిన్ ఎమ్మెల్యేగా న‌టించారు.

అల్లు అర్జున్ ని ఎమ్మెల్యే కేథ‌రిన్ కి బాడీగార్డ్ నియ‌మిస్తార‌ట‌. అయితే...కేథ‌రిన్ కి బాడీ గార్డ్ గా నియ‌మించే ముందు అల్లు అర్జున్ ఆర్మీ ఆఫీస‌ర్ గా క‌నిపిస్తాడ‌ట‌. దేశ‌భ‌క్తిని చాటిచెప్పే ఆ స‌న్నివేశాల్లో బ‌న్ని క‌నిపించేది కొద్దిసేపే అయినా ఆ సీన్స్ సినిమాకి హైలైట్ గా నిలుస్తాయ‌ని స‌మాచారం. ఈనెల 22న స‌రైనోడు సినిమాని ప్ర‌పంచ వ్యాప్తంగా రిలీజ్ చేయ‌డానికి ప్లాన్ చేస్తున్నారు. ఈ మూవీ కూడా బ‌న్ని కెరీర్ లో యాభై కోట్లు వ‌సూలు చేసే చిత్రంగా నిలుస్తుంద‌ని అంచ‌నాలు ఉన్నాయి. మ‌రి..స‌రైనోడు అంచ‌నాల‌ను ఎంత వ‌ర‌కు అందుకుంటాడో చూడాలి.