பா ரஞ்சித் இயக்கத்தில் ஆர்யா, துஷாரா, பசுபதி நடிப்பில் கடந்த சில நாட்களுக்கு முன் அமேசான் ஓடிடியில் வெளியான திரைப்படம் ’சார்பாட்டா பரம்பரை’. இந்த திரைப்படம் மிகப் பெரிய வெற்றி பெற்றது என்பதும் ரசிகர்கள் மற்றும் திரையுலகினர் இந்த படத்தை கொண்டாடி வருகின்றனர் என்பதும் ஒரு சில அரசியல்வாதிகளும் இந்த படத்திற்கு பாராட்டு தெரிவித்தனர் என்பது குறிப்பிடத்தக்கது.

இந்நிலையில் இந்த படத்தின் வெற்றி விழா சமீபத்தில் கொண்டாடப்பட்டது. இதில் படக்குழுவினர் அனைவரும் கலந்து கொண்டு தங்களது நன்றியை ரசிகர்களுக்கும் திரையுலகினருக்கும் தெரிவித்தனர். இது குறித்த புகைப்படங்களை இந்த படத்தில் முக்கிய கேரக்டரில் நடித்திருந்த ஜான் கொக்கன் அவர்கள் தனது டுவிட்டர் பக்கத்தில் பதிவு செய்துள்ள நிலையில் இந்த புகைப்படங்கள் தற்போது வைரல் ஆகி வருகின்றன.

இந்த சக்சஸ் மீட்டில் ஆர்யா, ஜான் கொக்கன், சந்தோஷ் நாராயணன், பசுபதி, ஜான் விஜய் உள்ளிட்ட பலரும் கலந்து கொண்டனர் என்பது குறிப்பிடத்தக்கது. ’சார்பாட்டா பரம்பரை படத்தை பார்த்து உலகநாயகன் கமல்ஹாசன் அவர்கள் படக்குழுவினர்களை நேரில் அழைத்து தனது வாழ்த்துக்களை தெரிவித்தார் என்பது தெரிந்ததே.

இந்தநிலையில் ’சார்பாட்டா பரம்பரை படத்தின் இரண்டாம் பாகம் விரைவில் உருவாக இருப்பதாகவும் இரண்டாம் பாகத்தில் 1925 ஆம் ஆண்டில் நடந்த குத்துச்சண்டை போட்டிகள் குறித்த கதையம்சம் கொண்டது என்றும் பா ரஞ்சித் சமீபத்தில் அளித்த பேட்டியில் கூறியிருந்தார் என்பது குறிப்பிடத்தக்கது.

Team @sarpattaparambarai Success Meet.

Thank you to each and every one of you for watching the film and spreading the word.

Missed you there brother @Actorsanthosh#SarpattaParambarai #sarpattaparambaraionprime #sarpattaparambaraionamazonprime #Paranjithfilm pic.twitter.com/riJgY3oTqH

— Highonkokken (@johnkokken1) August 9, 2021