பா ரஞ்சித் இயக்கத்தில் ஆர்யா நடிப்பில் உருவான ’சார்பாட்டா பரம்பரை’ திரைப்படம் சமீபத்தில் வெளியாகி மிகப்பெரிய வரவேற்பை பெற்றது என்பது தெரிந்ததே. குறிப்பாக இந்த படத்தில் நடித்தவர்களின் பெயர்களே படம் பார்த்தவர்களுக்கு மறந்துபோய் அந்த கேரக்டர்களின் பெயர்தான் ஞாபகத்தில் இருக்கிறது என்பதே இந்த படத்தின் மிகப்பெரிய வெற்றிக்கு காரணம். அதிலும் குறிப்பாக பசுபதியின் கேரக்டரான ரங்கன் வாத்தியார் மற்றும் ஆர்யாவின் கேரக்டரான கபிலன் ஆகிய இரண்டு கேரக்டர்களும் மக்கள் மனதில் ஆழமாக பதிந்து விட்டது என்பது குறிப்பிடத்தக்கது

இந்தநிலையில் இந்த திரைப்படத்தில் ரங்கன் வாத்தியார் பசுபதியை ஆர்யா தனது சைக்கிளில் அழைத்து கொண்டு செல்லும் காட்சி ஒன்று உள்ளது. இந்த காட்சியை வைத்து கடந்த இரண்டு நாட்களாக மீம்ஸ் கிரியேட்டர்கள் பலவிதமான மீம்ஸ்களை பதிவு செய்து வருகின்றனர் என்பதும் அவை மிகப் பெரிய அளவில் வைரலாகி வருகிறது என்பதும் குறிப்பிடத்தக்கது

’வாத்தியாரே ஏன் நடந்து போறீங்க சைக்கிள்ல போகலாம்’ என்ற படத்தில் வரும் வசனத்தை வைத்து மீம்ஸ் கிரியேட்டர்ஸ் அவதார் படத்தை கூட விட்டு வைக்காமல் மீம்ஸ்களை கிரியேட் செய்து வருகின்றனர் என்பது குறிப்பிடத்தக்கது. இந்த மீம்ஸ்களை பார்த்து படக்குழுவினர்களே ரசித்து இருப்பார்கள் என்பது குறிப்பிடத்தக்கது.