ఇంకా రిలీజ్ కాలేదు.. అప్పుడే ఓటీటీ గురించి టాక్, సర్కార్ వారి పాటను అమెజాన్ కొనేసిందా..?
- IndiaGlitz, [Thursday,February 03 2022]
సూపర్‌స్టార్ మహేశ్ బాబు హీరో పరశు రామ్ దర్శకత్వంలో తెరకెక్కుతోన్న ‘‘సర్కార్ వారి పాట’’ సినిమా ఎట్టకేలకు రిలీజ్ డేట్ లాక్ చేసుకున్న సంగతి తెలిసిందే. సమ్మర్ కనుకగా మే 12న విడుదల చేయబోతున్నట్లు మేకర్స్ అఫిషీయల్‌గా ప్రకటించారు. వాస్తవానికి సంక్రాంతి కానుకగా ఈ సినిమాను ప్రేక్షకుల ముందుకు తీసుకురావాలని నిర్మాతలు భావించారు. కానీ ఆర్ఆర్ఆర్ కారణంగా వెనక్కి తగ్గాల్సి వచ్చింది. అయితే ఇప్పుడు ఆ సినిమా మార్చి 25న వస్తున్నట్లు క్లారిటీ రావడంతో రిలీజ్ డేట్ ఫిక్స్ చేసుకుంది సర్కార్ వారి పాట.
ప్రస్తుతం ఈ సినిమా షూటింగ్ దశలో ఉంది. కోవిడ్ ఉద్ధృతి తగ్గడంతో రీసెంట్‌గా హైదరాబాద్‌లో కొత్త షెడ్యూల్‌ను స్టార్ట్ చేశారు. మోకాలు సర్జరీ కారణంగా విశ్రాంతి తీసుకుంటున్న మహేశ్.. ఈ షెడ్యూల్‌కు దూరంగా వుండనున్నారు. ఫిబ్రవరి రెండో వారంలో సూపర్‌స్టార్ యూనిట్‌ను కలవనున్నారని ఫిలింనగర్ టాక్. ఇంకా రిలీజ్ కాకముందే.. సర్కార్ వారి పాట ఓటీటీ స్ట్రీమింగ్‌పై రకరకాల కథనాలు చక్కర్లు కొడుతున్నాయి. దీనికి సంబంధించి తాజాగా ఓ న్యూస్ వైరల్ అవుతోంది.
ప్రముఖ ఓటీటీ సంస్థ అమెజాన్ ప్రైమ్ ఫ్యాన్సీ రేటుకు 'సర్కారు వారి పాట' డిజిటల్ రైట్స్ ను దక్కించుకున్నట్లు వార్తలు చక్కర్లు నిర్మాతలతో కుదిరిన ఒప్పందం ప్రకారం.. సినిమా థియేటర్లో విడుదలైన నెల రోజుల తరువాతే సర్కార్ వారి పాట ఓటీటీలోకి వస్తుందట. అంటే మే 12న విడుదల కాబట్టి.. జూన్‌లో ఓటీటీ ప్రేక్షకులను పలకరిస్తారన్న మాట.
ఇక సర్కార్ వారి పాట సినిమాను మైత్రి మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్‌టైన్‌మెంట్ బ్యానర్స్ సంయుక్తంగా నిర్మిస్తున్నాయి. ఈ సినిమాలో మహేష్ సరసన కీర్తి సురేష్ హీరోయిన్‌గా నటిస్తోంది. సుబ్బరాజు, వెన్నెల కిషోర్‌లు కీలక పాత్రలు పోషిస్తున్నారు. తమన్ ఈ సినిమాకి స్వరాలు సమకూరుస్తున్నారు.