'சர்கார்' ரசிகர்களுக்கு ஒரு சர்ப்ரைஸ் தகவல்
- IndiaGlitz, [Monday,October 08 2018]
தளபதி விஜய் நடித்து வரும் 'சர்கார்' படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்புடன் நடந்து வருகிறது. மேலும் இந்த படத்தின் டீசர் வரும் ஆயுதபூஜை திருநாளில் வெளிவர வாய்ப்பு இருப்பதாகவும் கூறப்படுகிறது
இந்த நிலையில் உலகம் முழுவதும் உள்ள தமிழ் ரசிகர்களுக்காக தீபாவளி அன்று இந்த படம் வெளிவரவுள்ள நிலையில் தற்போது இந்த படம் அதே தீபாவளி தினத்தில் தெலுங்கிலும் டப் செய்து வெளியிட படக்குழு திட்டமிட்டுள்ளது. இதற்கான டப்பிங் பணிகள் விறுவிறுப்பாக நடைபெற்று வருகிறது.
மேலும் 'சர்கார்' படத்தின் பாடல்களை தமிழில் விவேக் எழுதியுள்ள நிலையில் தெலுங்கு பதிப்பிற்கு பாடலாசிரியர்கள் சந்திரபோஸ் மற்றும் வனமல்லி ஆகியோர் பாடல் எழுதி வருவதாகவும் மிக விரைவில் தெலுங்கு பாடல்களின் ஒலிப்பதிவு நடைபெறும் என்றும் தகவல்கள் வெளிவந்துள்ளது.
ஒரே நாளில் கிட்டத்தட்ட தென்னிந்தியா முழுவதும் இந்த படம் வெளிவரவுள்ளதால் ஓப்பனிங் வசூல் புதிய சாதனை படைக்கும் என எதிர்பார்க்கப்படுகிறது.