'స‌ర్కార్' టీజ‌ర్ డేట్‌
- IndiaGlitz, [Wednesday,October 10 2018]
త‌మిళ స్టార్ హీరో విజ‌య్ న‌టిస్తున్న కొత్త చిత్రానికి 'స‌ర్కార్' అనే టైటిల్‌ను నిర్ణ‌యించారు. ఎ.ఆర్‌.మురుగ‌దాస్ ద‌ర్శ‌కుడు. కీర్తిసురేశ్ హీరోయిన్‌గా న‌టిస్తుంది. వ‌ర‌ల‌క్ష్మి శ‌ర‌త్‌కుమార్ కీల‌క పాత్రలో న‌టిస్తుంది.
'త‌పాకీ', 'క‌త్తి' సినిమాల త‌ర్వాత విజ‌య్ హీరోగా మురుగ‌దాస్ ద‌ర్శ‌క‌త్వంలో రూపొందుతోన్న చిత్ర‌మిది. ఇందులో కూడా రాజ‌కీయ నేప‌థ్యం ఉంటుంది. ఇందులో విజ‌య్ ముఖ్య‌మంత్రి పాత్రలో క‌నిపించ‌బోతున్నార‌ని టాక్ విన‌ప‌డుతుంది. పోస్ట్ ప్రొడ‌క్ష‌న్ వ‌ర్క్స్ తుది ద‌శ‌కు చేరుతున్నాయి.
ఈ సినిమా టీజ‌ర్‌ను ద‌స‌రా సంద‌ర్భంగా అక్టోబ‌ర్ 19న విడుద‌ల చేయ‌డానికి స‌న్నాహాలు చేస్తున్నారు. సినిమాను దీపావ‌ళి సంద‌ర్భంగా నవంబ‌ర్ 8న తెలుగు, త‌మిళంలో విడుద‌ల చేస్తున్నారు. స‌న్ పిక్చ‌ర్స్ ఈ సినిమాను నిర్మించింది.