தளபதி விஜய் நடித்த 'சர்கார்' திரைப்படம் குறித்தும் அதன் கதை குறித்தும் சர்ச்சைக்குரிய செய்திகள் வெளிவந்து கொண்டிருந்தாலும் இந்த படம் தீபாவளி விருந்தாக வெளிவரவுள்ளதை படக்குழுவினர் உறுதி செய்து வருகின்றனர்.

இந்த நிலையில் இந்த படத்திற்கு சென்சார் அதிகாரிகள் 'யூஏ' சான்றிதழ் கொடுத்தனர் என்பதை ஏற்கனவே பார்த்தோம். தற்போது இந்த படத்தின் ரன்னிங் டைம் குறித்த செய்திகள் வெளிவந்துள்ளது. இந்த படத்தின் ரன்னிங் டைம் சுமார் 3 மணி நேரமாக உள்ளது. அதாவது 2 மணி நேரம் 44 நிமிடங்கள் ஆகும். இருப்பினும் அழுத்தமான கதை மற்றும் விறுவிறுப்பான காட்சிகள் இந்த படத்தில் இருக்கும் என்பதால் நீளமான ரன்னிங் படத்திற்கு பாசிட்டிவ்வாகவே இருக்கும் என கருதப்படுகிறது.

இதற்கு முன்னர் விஜய்-முருகதாஸ் இணைந்த படங்களான 'துப்பாக்கி' மற்றும் 'கத்தி' திரைப்படங்களின் ரன்னிங் டைம் 170 நிமிடங்கள் மற்றும் 161 நிமிடங்கள் என்ற நிலையில் 'சர்கார்' திரைப்படம் 164 நிமிடங்களாக இருக்கின்றது என்பது குறிப்பிடத்தக்கது.