சர்கார் ரிலீஸ் தேதி: அதிகாரபூர்வமாக அறிவித்த சன் பிக்சர்ஸ்
- IndiaGlitz, [Thursday,October 25 2018]
தளபதி விஜய் நடித்த 'சர்கார்' திரைப்படம் சென்சார் பணிகள் முடிவடைந்து படத்திற்கு 'யூஏ' சான்றிதழ் கிடைத்துவிட்டதை அடுத்து இந்த படத்தின் தயாரிப்பு நிறுவனமான சன் பிக்சர்ஸ் தனது சமூக வலைத்தள பக்கத்தில் ரிலீஸ் தேதியை அதிகாரபூர்வமாக அறிவித்துள்ளது.
'சர்கார்' திரைப்படம் தீபாவளி முதல் வெளியீடு என்று புதிய போஸ்டர் ஒன்றின் மூலம் சன் பிக்சர்ஸ் அறிவித்துள்ளதால் இந்த படம் நவம்பர் 6ஆம் தேதி தீபாவளி அன்று வெளியாவது உறுதி செய்யப்பட்டுள்ளது.
முன்னதாக இந்த படம் நவம்பர் 2ஆம் தேதி வெளியாகும் என ஒருசில வதந்திகள் பரவியது. இந்த வதந்திக்கு முற்றுப்புள்ளி வைக்கும் வகையில் 'சர்கார்' திரைப்படம் தீபாவளி விருந்தாக தீபாவளி அன்றே வெளிவரும் என அறிவிக்கப்பட்டுள்ளது.