தளபதி விஜய் நடித்த 'சர்கார்' திரைப்படம் நாளை உலகம் முழுவதும் தமிழ், தெலுங்கு என இரண்டு மொழிகளில் பிரமாண்டமாக வெளியாகவுள்ளது. குறிப்பாக அமெரிக்காவில் இந்த படம் பெருவாரியான திரையரங்குகளில் வெளியாகவுள்ளது.

இந்த நிலையில் 'சர்கார்' திரைப்படம் அமெரிக்காவில் ஒருசில குறிப்பிட்ட திரையரங்குகளில் விஜய்யின் ஓப்பனிங் பாடல் இரண்டு முறை ஒளிபரப்பாகவுள்ளதாக அறிவிக்கப்பட்டுள்ளது. இது 'சர்கார்' விஜய் ரசிகர்களுக்கான இரட்டை விருந்தாக கருதப்படுகிறது. எனவே இந்த திரையரங்குகளில் 'சர்கார்' படத்திற்கு முன்பதிவு செய்ய விஜய் ரசிகர்கள் மிகுந்த ஆர்வம் காட்டி வருகின்றனர்.

இதேபோல் நெல்லையில் உள்ள ஒரு திரையரங்கில் 'சர்கார்' திரைப்படம் திரையிடுவதற்கு முன் 'மெர்சல்' படத்தில் இடம்பெற்ற 'ஆளப்போறான் தமிழன்' திரையிடப்படுகிறது என்று வெளிவந்த செய்தியை சற்றுமுன் பார்த்தோம்.