`భ‌ర‌త్ అనే నేను`, `మ‌హ‌ర్షి` వంటి రెండు వ‌రుస విజ‌యాల త‌రువాత సూప‌ర్ స్టార్ మ‌హేశ్ బాబు నుంచి రానున్న చిత్రం `స‌రిలేరు నీకెవ్వ‌రు`. స‌క్సెస్‌ఫుల్ డైరెక్ట‌ర్ అనిల్ రావిపూడి తెర‌కెక్కిస్తున్న ఈ క్రేజీ ప్రాజెక్ట్‌తో నిన్న‌టి త‌రం అగ్ర క‌థానాయిక విజ‌యశాంతి రీ-ఎంట్రీ ఇస్తున్నారు. మ‌హేశ్ బాబుకి జోడీగా `ఛ‌లో` బ్యూటీ ర‌ష్మిక మంద‌న్న నాయిక‌గా న‌టిస్తుండ‌గా... మిల్కీ బ్యూటీ త‌మ‌న్నా ఓ ప్ర‌త్యేక గీతంలో మెర‌వ‌నుంది.

ఇదిలా ఉంటే, శ‌ర‌వేగంగా చిత్రీక‌ర‌ణ జ‌రుపుకుంటున్న `స‌రిలేరు నీకెవ్వ‌రు`కి సంబంధించి ఇప్ప‌టివ‌ర‌కు 75 శాతం షూటింగ్ పూర్త‌య్యింద‌ని తెలిసింది. ఇటీవ‌ల రామోజీ ఫిల్మ్ సిటీలో వేసిన కొండారెడ్డి బురుజు సెంట‌ర్ సెట్‌లో మ‌హేశ్‌, కొంత‌మంది ఫైట‌ర్స్‌పై చిత్రీక‌రించిన పోరాట ఘ‌ట్టాలు యాక్ష‌న్ ప్రియుల‌ను మురిపిస్తాయ‌ని స‌మాచారం.

కాగా, మ‌హేశ్ బాబు బ‌ర్త్ డే సంద‌ర్భంగా ఆగ‌స్టు 9న `స‌రిలేరు నీకెవ్వ‌రు` ఇంట్రో వీడియోని, పంద్రాగ‌స్టున టైటిల్ సాంగ్‌ని విడుద‌ల చేసిన యూనిట్‌.. దీపావ‌ళి సంద‌ర్భంగా అక్టోబ‌ర్ 27న టీజ‌ర్ ని విడుద‌ల చేయ‌బోతున్నట్లు తెలిసింది. మ‌హేశ్ అభిమానుల‌కు గూజ్‌బంప్స్ ఇచ్చేలా అనిల్ అండ్ టీమ్ ఈ టీజ‌ర్‌ని తీర్చిదిద్దుతోంద‌ని టాక్‌. త్వ‌ర‌లోనే టీజ‌ర్ కి సంబంధించి స్ప‌ష్ట‌త వ‌చ్చే అవ‌కాశ‌ముంది.

అనిల్ సుంక‌ర‌, `దిల్‌`రాజు, మ‌హేశ్ బాబు సంయుక్తంగా నిర్మిస్తున్న `స‌రిలేరు నీకెవ్వ‌రు`... 2020 సంక్రాంతికి రిలీజ్ కానుంది.