ప‌వ‌ర్ స్టార్ ప‌వ‌న్ క‌ళ్యాణ్‌తో కాజ‌ల్ తొలిసారిగా జ‌త‌క‌ట్టిన సినిమా 'స‌ర్దార్ గ‌బ్బ‌ర్ సింగ్‌'. ఏప్రిల్ 8న విడుద‌ల‌కు సిద్ధ‌మ‌వుతోంది ఈ సినిమా 'మ‌గ‌ధీర' త‌రువాత మ‌రోమారు యువ‌రాణి పాత్ర‌లో కాజ‌ల్ వెండితెర‌పై ద‌ర్శ‌న‌మివ్వ‌నుందీ సినిమా కోసం. ఇదిలా ఉంటే.. 'స‌ర్దార్' ఫ‌లితంపై కాజ‌ల్ ఎంతో న‌మ్మ‌కంగా ఉంది. అందుకు కార‌ణం లేక‌పోలేదు. అదేమిటంటే.. ఏప్రిల్ నెల‌లో కాజ‌ల్ న‌టించగా విడుద‌లైన తెలుగు సినిమాలు మంచి విజ‌యాన్ని న‌మోదు చేసుకోవ‌డం.

2010లో ప్ర‌భాస్‌తో కాజ‌ల్ న‌టించిన 'డార్లింగ్' ఏప్రిల్ 23న విడుద‌లై విజ‌యం సాధిస్తే.. 2011లో అదే ప్ర‌భాస్‌తో జ‌త‌క‌ట్టిన 'మిస్ట‌ర్ ప‌ర్‌ఫెక్ట్' ఏప్రిల్ 22న విడుద‌లై స‌క్సెస్ అయింది. ఇక 2013లో ఎన్టీఆర్‌తో ఆడిపాడిన 'బాద్‌షా' కూడా ఏప్రిల్ 5న విడుద‌లై హిట్ లిస్ట్‌లో చేరింది. ఈ నేప‌థ్యంలో 'స‌ర్దార్' కూడా అదే పాజిటివ్ సెంటిమెంట్ తో విజ‌యం సాధించ‌డం ఖాయ‌మ‌న్న‌ది ఈ చంద‌మామ న‌మ్మ‌కం. చూద్దాం.. కాజ‌ల్ న‌మ్మ‌కం ఏ మేర‌కు ఫ‌లిస్తుందో