ఫ్యాన్స్ కి అంకితం ఇస్తున్న స‌ర్ధార్..
- IndiaGlitz, [Friday,March 11 2016]
ప‌వ‌ర్ స్టార్ పవన్ క‌ళ్యాణ్ హీరోగా బాబీ తెరకెక్కిస్తున్న సెన్సేష‌న‌ల్ మూవీ స‌ర్ధార్ గబ్బర్ సింగ్. ఈ చిత్రాన్ని పవన్ ఫ్రెండ్ శ‌ర‌త్ మ‌రార్ ప్ర‌తిష్టాత్మ‌కంగా నిర్మిస్తున్నారు. ఏప్రిల్ 8న స‌ర్ధార్ గబ్బర్ సింగ్ సినిమాని ప్ర‌పంచ వ్యాప్తంగా గ్రాండ్ గా రిలీజ్ చేయ‌డానికి ప్లాన్ చేస్తున్నారు. అయితే స‌ర్ధార్ సినిమా గురించి రోజుకో వార్త బ‌య‌ట‌కు వ‌స్తుంటే ఎప్పుడెప్పుడు స‌ర్ధార్ సినిమాని చూస్తామా అనే ఇంట్రెస్ట్ ఇటు ఇండ‌స్ట్రీలోను - అటు ఆడియోన్స్ లోను రోజురోజుకు పెరిగిపోతుంది.
తాజాగా స‌ర్ధార్ ప్రొడ్యూస‌ర్ శ‌ర‌త్ మ‌రార్ ఈ సినిమా గురించి ఓ ఆస‌క్తిక‌ర‌మైన వార్త‌ను ట్విట్ట‌ర్ ద్వారా తెలియ‌చేసారు. అదేమిటంటే...స‌ర్ధార్ ప్ర‌స్తుతం క్లైమాక్స్ షూటింగ్ జ‌రుపుకుంటుంది. ఇన్ని సంవ‌త్స‌రాలుగా త‌న‌ను ఆద‌రించిన అభిమానుల‌కు స‌ర్ధార్ సినిమాని పవన్ అంకితం ఇస్తున్నార‌ని చెప్పారు. ఫ్యాన్స్ కి పవన్ స‌ర్ధార్ సినిమాని అంకితం ఇస్తున్నాను అని ఎనౌన్స్ చేసారంటే స‌ర్ధార్ సెన్సేష‌న్ ఏరేంజ్ లో ఉంటుందో ఊహించ‌డం క‌ష్టం.