స‌ర్ధార్ సినిమాలో మెగాస్టార్
- IndiaGlitz, [Friday,January 29 2016]
ప‌వ‌ర్ స్టార్ పవన్ క‌ళ్యాణ్ న‌టిస్తున్న తాజా చిత్రం స‌ర్ధార్ గ‌బ్బ‌ర్ సింగ్. ఈ చిత్రాన్ని బాబీ తెర‌కెక్కిస్తున్నారు. ప్ర‌స్తుతం స‌ర్ధార్ గ‌బ్బ‌ర్ సింగ్ సినిమా శ‌ర‌వేగంగా షూటింగ్ జ‌రుపుకుంటుంది. అయితే స‌ర్ధార్ సెట్ కి మెగాస్టార్ వెళ్లి త‌మ్ముడు పవన్ ని ప‌ల‌క‌రించ‌డంతో పాటు సెట్ లో సంద‌డి చేసారు. ఇదిలా ఉంటే....స‌ర్ధార్ సెట్ కి చిరు వెళ్లిన‌ప్ప‌టి నుంచి స‌ర్ధార్ లో చిరు న‌టిస్తున్నాడ‌ని ప్ర‌చారం ప్రారంభ‌మైంది.
చిరంజీవి న‌టించిన శంక‌ర్ దాదా ఎం.బి.బి.ఎస్ లో పవన్ ఓ పాట‌లో క‌నిపిస్తాడు. శంక‌ర్ దాదా జిందాదాబాద్ లో ఓ ఫైట్ చేస్తాడు. అయితే ఇప్పుడు పవన్ క‌ళ్యాణ్ న‌టిస్తున్న స‌ర్ధార్ గ‌బ్బ‌ర్ సింగ్ లో చిరంజీవి త‌మ్ముడు పవన్ క‌ళ్యాణ్ తో క‌ల‌సి ఓ పాట‌లో స్టెప్పులు వేయ‌నున్నాడ‌ని స‌మాచారం. ఇదే క‌నుక నిజ‌మైతే...మెగా ఫ్యాన్స్ కి పండ‌గే.