சரவணா ஸ்டோர்ஸ் அதிபர் சரவணன் நடிப்பில் உருவாகியுள்ள 'தி லெஜண்ட்’ என்ற திரைப்படம் நேற்று முன்தினம் வெளியாகியது என்பதும் இந்த படத்திற்கு விமர்சனங்கள் ஊடகங்களில் வந்து கொண்டிருக்கின்றன என்பதை பார்த்து வருகிறோம்.

இந்த நிலையில் 'தி லெஜண்ட்’திரைப்படம் உலகம் முழுவதும் ஐந்து மொழிகளில் நேற்று முன்தினம் வெளியான நிலையில் முதல் நாளில் இந்த படம் ரூபாய் 2 கோடி ரூபாய் வசூல் செய்திருப்பதாக தகவல்கள் வெளியாகியுள்ளன. நாளையும் நாளை மறுநாளும் விடுமுறை தினம் என்பதால் இந்த படத்திற்கு மேலும் கூடுதலாக வசூல் கிடைக்கும் என்று எதிர்பார்க்கப்படுகிறது.

தமிழ், தெலுங்கு, மலையாளம், இந்தி, கன்னடம் என ஐந்து மொழிகளில் பிரம்மாண்டமாக வெளியாகியுள்ள இந்த படத்தின் அடுத்தடுத்த நாட்களின் வசூல் எப்படி உள்ளது என்பதை பொறுத்திருந்து பார்ப்போம்.

இந்தப் படத்தில் இடம் பெற்ற ஒரே ஒரு பாடலுக்கு மட்டும் 30 கோடி செலவு செய்ததாகவும் இந்த படத்தின் பட்ஜெட் 150 கோடியை தாண்டியுள்ளது என்றும் கூறப்படுகிறது. இந்த நிலையில் இந்த படம் வினியோகஸ்தர்கள் மற்றும் திரையரங்கு உரிமையாளர்களுக்கு லாபத்தை கொடுக்குமா? என்பதை பொறுத்திருந்து பார்ப்போம்.