சென்னையின் முக்கிய தொழிலதிபர்களில் ஒருவராகிய 'சரவணா ஸ்டோர்ஸ்' சரவணன் திரைப்படங்களில் நடிக்கவிருப்பதாகவும், அவருடைய முதல் படத்தின் நாயகி நயன்தாரா என்றும் கடந்த சில மாதங்களுக்கு முன் செய்திகள் வெளியாகின. ஆனால் இந்த தகவலை சரவணன் மறுத்திருந்தார்.

இந்த நிலையில் தன்னுடைய கடை விளம்பரத்தில் மட்டும் நடித்து வரும் சரவணன், சூர்யா நடிக்கும் படம் ஒன்றை தயாரிக்கவுள்ளதாகவும், இந்த படத்தில் அவர் சிறப்பு தோற்றத்தில் நடிக்கவுள்ளதாகவும் கூறப்படுகிறது. மேலும் இந்த படத்தை பிரபல இயக்குனர் கே.வி.ஆனந்த் இயக்கவுள்ளதாகவும் செய்திகள் கூறுகின்றது.

இதுவரை விளம்பர படங்களில் ஸ்ரேயா, ஹன்சிகா, தமன்னா போன்றவர்களுடன் நடித்த சரவணன், முதன்முதலாக திரைப்படத்தில் சூர்யாவுடன் சிறப்பு தோற்றத்தில் நடித்துவிட்டு பின்னர் கதாநாயகனாக நடிக்கலாம் என்று எதிர்பார்க்கப்படுகிறது. உதயநிதி ஸ்டாலின் அவர்களும் முதலில் தயாரிப்பாளராகி, பின்னர் 'ஆதவன்' படத்தில் சிறப்பு தோற்றத்தில் நடித்துவிட்டு பின்னர் கதாநாயகன் அந்தஸ்துக்கு உயர்ந்தார் என்பது குறிப்பிடத்தக்கது.