சரத்குமார் சஸ்பெண்ட் வழக்கில் நீதிமன்றம் அதிரடி முடிவு
- IndiaGlitz, [Monday,November 28 2016]
முன்னாள் நடிகர் சங்க தலைவர் சரத்குமார், முன்னாள் பொதுச்செயலாளர் ராதாரவி ஆகியோர் கடந்த சில மாதங்களுக்கு முன்னர் நடிகர் சங்கத்தின் புதிய நிர்வாகிகளால் சஸ்பெண்ட் செய்யப்பட்டனர் இந்த சஸ்பெண்ட்டை எதிர்த்து சரத்குமார், ராதாரவி ஆகியோர் நீதிமன்றத்தில் வழக்கு தொடுத்திருந்தனர். இந்த வழக்கு கடந்த சிலநாட்களாக விசாரணையில் இருந்தது.
இந்நிலையில் நேற்று நடைபெற்ற நடிகர் சங்கத்தின் பொதுக்குழுவில் சரத்குமாரும், ராதாரவியும் நிரந்தரமாக நீக்கப்பட்டனர். சஸ்பெண்ட் வழக்கு நிலுவையில் உள்ள நிலையில் தன்னை நிரந்தரமாக நீக்கியது சட்டவிரோதம் என்று சரத்குமார் தெரிவித்திருந்தார்.
இந்நிலையில் சரத்குமார், ராதாரவியின் சஸ்பெண்ட் வழக்கை நீதிமன்றம் இன்று முடித்து வைத்தது. வழக்கு தொடர்ந்த இருவரும் நிரந்தரமாக நீக்கப்பட்டதால் புதிய வழக்கு தொடர்ந்து கொள்ளலாம் என்று நீதிபதி தெரிவித்தார்.