சரத்குமார் குடும்ப திரைப்படத்தின் டைட்டில் அறிவிப்பு!
- IndiaGlitz, [Sunday,September 29 2019]
சரத்குமார், அவரது மனைவி ராதிகா மற்றும் மகள் வரலட்சுமி ஆகிய மூவரும் ஒரு படத்தில் நடித்து வரும் நிலையில் இந்த படத்தின் டைட்டில் அறிவிக்கப்பட்டுள்ளது.
‘பிறந்தாள் பராசக்தி’ என்ற டைட்டில் கொண்ட இந்த படத்தை ஓம் விஜய் என்பவர் இயக்கி வருகிறார். ரகுநாதன் இசையில் வைரமுத்து பாடல் வரிகளில் வீரமணி ஒளிப்பதிவில் நிர்மல் படத்தொகுப்பில் உருவாகி வரும் இந்த படத்தின் டிரைலர் வெளியாகியுள்ளது.
தென்மாவட்டத்தில் உள்ள கிராமம் ஒன்றில் நடைபெறும் கதையம்சம் கொண்ட இந்த படத்தை ராதிகாவின் ரேடான் நிறுவனம் தயாரிக்கின்றது. முதல்முறையாக சரத்குமார், ராதிகா, வரலட்சுமி மூவரும் இணைந்து நடித்துள்ள இந்த படத்தின் படப்பிடிப்பு விறுவிறுப்பாக நடைபெற்று வருகிறது.