சென்னையில் ஓர் நாள் 2' சென்சார் மற்றும் ரன்னிங் டைம் தகவல்கள்
- IndiaGlitz, [Tuesday,August 08 2017]
சரத்குமார், ராதிகா, பிரகாஷ்ராஜ், சேரன் நடிப்பில் கடந்த 2013ஆம் ஆண்டு வெளிவந்த 'சென்னை ஒரு நாள்' படம் வெற்றி பெற்றதை அடுத்து இந்த படத்தின் இரண்டாம் பாகத்தின் படப்பிடிப்பு மற்றும் போஸ்ட் புரடொக்ஷன்ஸ் பணிகள் சமீபத்தில் முடிந்தது.
இந்த நிலையில் 'சென்னையில் ஓர் நாள் 2' படத்தின் சென்சார் தகவல்கள் தற்போது தெரியவந்துள்ளது. இந்த படத்திற்கு சென்சார் அதிகாரிகள் 'யூஏ' சான்றிதழ் அளித்துள்ளனர். மேலும் இந்த படம் 101 நிமிடங்கள் அதாவது ஒரு மணி நேரம் 41 நிமிடங்கள் மட்டுமே ஓடுகின்றது.
கிட்டத்தட்ட ஆங்கில படத்தின் நீளமே உள்ள இந்த படத்தில் சரத்குமார், நெப்போலியன், அஜய், சுஹாசினி, உள்பட பலர் நடித்துள்ளனர். ஜேக்ஸ் பிஜாய் இசையமைப்பில் விஜய் தீபக் ஒளிப்பதிவில் கோபிகிருஷ்ணா படத்தொகுப்பில் உருவாகியுள்ள இந்த படத்தை ஜேபிஆர் இயக்கியுள்ளார். இந்த படத்தின் ரிலீஸ் தேதி விரைவில் அறிவிக்கப்படவுள்ளது.