கண்டிப்பா வருவான், நம்மகிட்ட மாட்டுவானாங்கிறது தான் முக்கியம்: 'போர் தொழில்' டீசர்..!
- IndiaGlitz, [Tuesday,May 23 2023]
சரத்குமார் மற்றும் அசோக் செல்வன் நடித்த ’போர் தொழில்’ என்ற திரைப்படம் வரும் ஜூன் 9ஆம் தேதி வெளியாக இருக்கும் நிலையில் இந்த படத்தின் டீசர் சற்று முன் வெளியாகி இணையதளங்களில் வைரல் ஆகி வருகிறது.
‘சூது கவ்வும்’, ‘தெகிடி’ உள்ளிட்ட பல திரைப்படங்களில் நடித்த அசோக் செல்வன் முக்கிய கேரக்டரில் நடித்த திரைப்படம் ’போர் தொழில்’. இந்த படத்தில் சரத்குமார் உள்ளிட்ட பலர் நடித்துள்ள நிலையில் இந்த படத்தின் படப்பிடிப்பு முடிவடைந்து ரிலீசுக்கு தயாராக உள்ளது.
ஜூன் 9ஆம் தேதி இந்த படம் வெளியாகும் என அறிவிக்கப்பட்டு புரமோஷன் பணிகளும் நடந்து வரும் நிலையில் சற்று முன் இந்த படத்தின் டீசர் வெளியாகி உள்ளது. மர்மமான முறையில் இளம் பெண்கள் தொடர்ந்து கொலை செய்யப்பட்டு வரும் நிலையில் அந்த கொலையை கண்டுபிடிக்கும் காவல்துறை அதிகாரிகளாக சரத்குமார் மற்றும் அசோக் செல்வன் நடித்துள்ளனர் என்பதும் கொலையாளி பிடிபட்டானா? என்பது தான் இந்த படத்தின் கதை என்பதும் இன்று வெளியாகி உள்ள டீசரில் இருந்து தெரிய வருகிறது.
அசோக் செல்வன் ஜோடியாக நிகிலா விமல் நடித்துள்ள இந்த படத்தை அப்லாஸ் என்டர்டெயின்மென்ட் நிறுவனம் தயாரித்துள்ளது. விக்னேஷ் ராஜா என்பவர் இந்த படத்தை இயக்கியுள்ளார்.