స్టైలీష్ స్టార్ అల్లు అర్జున్ న‌టిస్తున్న తాజా చిత్రం స‌రైనోడు. ఈ చిత్రాన్ని బోయ‌పాటి శ్రీను తెర‌కెక్కిస్తున్నారు. గీతా ఆర్ట్స్ బ్యాన‌ర్ పై అల్లు అర‌వింద్ నిర్మిస్తున్నారు.ఈ చిత్రంలో అల్లు అర్జున్ స‌ర‌స‌న ర‌కుల్ ప్రీత్ సింగ్ న‌టిస్తుంది. శ‌ర‌వేగంగా షూటింగ్ జ‌రుపుకుంటున్న ఈ చిత్రాన్ని స‌మ్మ‌ర్ లో రిలీజ్ చేయ‌డానికి ప్లాన్ చేస్తున్నారు.

ఈ సినిమా ఫ‌స్ట్ లుక్ ను ఈ నెల 25న రిలీజ్ చేయ‌నున్న‌ట్టు స‌మాచారం. ఏప్రిల్ 8 అల్లు అర్జున్ పుట్టిన‌రోజు. అందుచేత పుట్టిన‌రోజు కానుకగా ఏప్రిల్ 8 స‌రైనోడు సినిమాని రిలీజ్ చేసే అవ‌కాశం ఉంది. ఈ చిత్రంలో హీరోయిన్ అంజ‌లి ఓ స్పెష‌ల్ సాంగ్ చేస్తుండ‌డం విశేషం. ఈ పాట‌కి...అలాగే పాట‌లో న‌టించిన అంజ‌లికి ఈ సినిమాలో ప్రాధాన్య‌త ఉంటుంద‌ట‌. అల్లు అర్జున్, బోయ‌పాటి శ్రీను ల తొలి క‌ల‌యిక‌లో వ‌స్తున్న ఈ చిత్రానికి ఎస్.ఎస్.త‌మ‌న్ సంగీతాన్ని అందిస్తున్నారు.