స్టైలీష్ స్టార్ అల్లు అర్జున్, స‌క్సెస్ ఫుల్ డైరెక్ట‌ర్ బోయ‌పాటి శ్రీను కాంబినేష‌న్ లో రూపొందుతున్న సినిమా స‌రైనోడు. ఈ మూవీని గీతా ఆర్ట్స్ బ్యాన‌ర్ లోఅల్లు అర‌వింద్ నిర్మిస్తున్నారు. ఈ మూవీ శ‌ర‌వేగంగా షూటింగ్ జ‌రుపుకుంటోంది. ఇక అస‌లు విష‌యానికి వ‌స్తే..అల్లు అర్జున్ రేసుగుర్రం సినిమా సెకండాఫ్ లో పోలీస్ గా క‌నిపించి అద‌ర‌గొట్టాడు. పోలీస్ పాత్ర‌లో బ‌న్ని క‌నిపించింది కొద్దిసేపే అయినా ప్రేక్ష‌కుల నుంచి విశేష స్పంద‌న ల‌భించింది.

పోలీస్ పాత్ర మెగా ఫ్యామిలీలో చిరు, చ‌ర‌ణ్ ల‌కు క‌ల‌సి రాక‌పోయినా...ప‌వ‌న్, బ‌న్నిల‌కు బాగా క‌ల‌సి వ‌చ్చింది. అందుకే అనుకుంట స‌రైరోడు సినిమాలో బ‌న్ని పూర్తి స్ధాయి పోలీస్ పాత్ర పోషిస్తున్నాడ‌ట‌. మ‌రి..బ‌న్నిరేసుగుర్రంలో పోలీస్ పాత్ర‌లో కొద్దిసేపు క‌నిపించే అంత‌టి సెన్సేష‌న్ క్రియేట్ చేసాడు. ఇప్పుడు ఏకంగా పూర్తి స్ధాయి పోలీస్ పాత్ర‌తో ఎలాంటి సెన్సేష‌న్ క్రియేట్ చేస్తాడో తెలియాలంటే స‌మ్మ‌ర్ వ‌ర‌కు ఆగాల్సిందే.