நடிகர் பசுபதியா இவர்? ஆச்சரியப்பட வைக்கும் இளவயது புகைப்படம்!
- IndiaGlitz, [Tuesday,July 27 2021]
சமீபத்தில் வெளியான பா ரஞ்சித்தின் ’சார்பாட்டா பரம்பரை’ திரைப்படம் மிகப்பெரிய வரவேற்பை பெற்று வருகிறது என்பதும் இந்த படத்திற்கு திரையுலகினர், ரசிகர்கள், அரசியல் பிரபலங்கள் என பல்வேறு தரப்பினர் பாராட்டுகளை குவித்து வருகின்றனர் என்பதும் குறிப்பிடத்தக்கது
இந்த படத்தில் கபிலன் என்ற கேரக்டராகவே ஆர்யா வாழ்ந்துள்ளார் என்றும் அவரது நடிப்பு இந்த படத்தில் மெருகேறி உள்ளது என்றும் பலர் விமர்சனம் செய்து வருகின்றனர். ஆர்யாவை அடுத்து இந்த படத்தில் குறிப்பிடத்தக்க வகையில் நடித்தவர் என்றால் அது ரங்கன் வாத்தியார் என்ற கேரக்டரில் நடித்த பசுபதிதான். பசுபதிக்கு மிகவும் பொருத்தமான கேரக்டர் என்பதால் இந்த கேரக்டருக்கு அவரை விட்டால் யாராலும் இந்த அளவுக்கு சிறப்பாக நடித்திருக்க முடியாது என்றும் கூறப்படுகிறது.
இந்த நிலையில் மாயன் என்ற திரைப்படத்தில் அறிமுகமாகி அதன் பின் ’தூள், ’இயற்கை’, ‘அருள்’, ‘விருமாண்டி’, ‘திருப்பாச்சி’ உள்பட பல திரைப்படங்களில் நடித்திருந்தாலும், அவருக்கு மிகப்பெரிய பெயரை பெற்று கொடுத்த்தது சார்பாட்டா பரம்பரை தான் என்பது குறிப்பிடத்தக்கது.
இந்த நிலையில் தற்போது பசுபதியின் இளவயது புகைப்படம் ஒன்று இணையதளங்களில் வைரலாகி வருகிறது. அந்த புகைப்படத்தில் பசுபதி கர்லிங் முடியுடன் உள்ளதை பார்க்கும் போது அனைவருக்கும் ஆச்சரியமாக உள்ளது. இப்படிப்பட்ட முடியுடன் இருந்த பசுபதி இப்பொழுது முடி இல்லாமல் இருக்கிறாரே என்ற கேள்வியையும் ரசிகர்கள் எழுப்பி வருகின்றனர்.