శ్రీశాంత్ తో జతకడుతున్న శాన్వీ..
- IndiaGlitz, [Friday,November 20 2015]
ఆదితో ల‌వ్ లీ, సుశాంత్ తో అడ్డా, విష్ణుతో రౌడీ చిత్రాల్లో న‌టించి ఆక‌ట్టుకున్న హీరోయిన్ శాన్వీ. ఆత‌ర్వాత ఆశించిన స్ధాయిలో అవ‌కాశాలు రాక‌పోవ‌డంతో కాస్త తెర‌మ‌రుగ‌య్యింది. ఇప్పుడు క్రికెట‌ర్ శ్రీశాంత్ హీరోగా న‌టించే సినిమాలో హీరోయిన్ గా అవ‌కాశం అందిపుచ్చుకుంది.
ఈ చిత్రాన్ని సానా యాదిరెడ్డి స్వీయ దర్శకత్వంలో రూపొందించ‌నున్నారు. ప్ర‌స్తుతం స్ర్కిప్ట్ వ‌ర్క్ జ‌రుగుతోంది. ఈ చిత్రాన్ని త్వ‌ర‌లో ప్రారంభించ‌డానికి ఏర్పాట్లు చేస్తున్నారు. తెలుగు, త‌మిళ, మ‌ల‌యాళ భాష‌ల్లో ఈ సినిమాని రూపొందిస్తున్నారు. క్రికెట‌ర్ జీవితం చుట్టూ తిరిగే విభిన్న క‌థాంశంతో ఈ చిత్రం ఉంటుంద‌ట. మ‌రి..హీరోయిన్ శాన్వీకి ఈ సినిమా తోనైనా ద‌శ తిరుగుతుందేమో చూడాలి.