சுவாமி ஐயப்பன் வாழ்க்கை வரலாறு படத்தில் ஏ.ஆர்.ரஹ்மான் - அனுஷ்கா
- IndiaGlitz, [Sunday,March 10 2019]
ஒவ்வொரு வருடமும் ஐயப்பன் சீசனின்போது ஒரு புதிய ஐயப்பன் குறித்த திரைப்படம் வெளியாகி வருகிறது. ஆனால் இம்முறை பிரபலங்கள் இணையும் ஒரு ஐயப்பன் படம் உருவாகவுள்ளது.
தமிழ், தெலுங்கு, மலையாளம் மற்றும் இந்தி என நான்கு மொழிகளில் உருவாகும் இந்த படத்தை பிரபல ஒளிப்பதிவாளர் சந்தோஷ் சிவன் இயக்க, இந்த படத்தை ஸ்ரீகோகுலம் கோபாலன் தயாரிக்கவுள்ளார்.
இதுவரை பல ஐயப்பன் படங்கள் வந்திருந்தாலும் பிரசாந்த் என்பவர் ஒரு வித்தியாசமான புதிய வடிவில் ஐயப்பன் பட கதையை எழுதியுள்ளதாகவும், இந்த படம் நிச்சயம் ஐயப்ப பக்தர்கள் மட்டுமின்றி அனைத்து தரப்பினர்களுக்கும் பிடிக்கும் என்றும் தயாரிப்பாளர் கோபாலன் தெரிவித்துள்ளார்.
இந்த படத்தின் முக்கிய கேரக்டர் ஒன்றில் அனுஷ்கா ஷெட்டி நடிக்க பேச்சுவார்த்தை நடந்து வருவதாகவும், இந்த பக்தி படத்தில் இசையமைக்க ஆஸ்கார் நாயகன் ஏ.ஆர்.ரஹ்மானிடம் பேச்சுவார்த்தை நடந்து வருவதாகவும் தயாரிப்பாளர் கோபாலன் மேலும் கூறினார். இந்த படத்தின் முதல்கட்ட படப்பிடிப்பு வரும் ஆகஸ்ட் அல்லது செப்டம்பரில் நடைபெறவுள்ளது.
ஏ.ஆர்.ரஹ்மான், அனுஷ்கா, சந்தோஷ்சிவன் போன்ற பிரபலங்கள் இணையும் இந்த ஐயப்பன் படத்திற்கு நிச்சயம் நல்ல வரவேற்பு கிடைக்கும் என எதிர்பார்க்கப்படுகிறது.