சூப்பர் ஸ்டார் ரஜினிகாந்த் நடித்த '2.0' திரைப்படம் கடந்த வியாழன் அன்று வெளியாகி உலகம் முழுவதும் நல்ல வரவேற்பை பெற்றுள்ள நிலையில் ரஜினியின் அடுத்த படமான 'பேட்ட' திரைப்படம் வரும் பொங்கல் விருந்தாக வெளிவரவுள்ளது.

இந்த நிலையில் ரஜினிகாந்த் நடிக்கவுள்ள அடுத்த படத்தை ஏ.ஆர்.முருகதாஸ் இயக்கவுள்ளதாகவும் இந்த படத்தையும் லைகா நிறுவனம் தயாரிக்கவுள்ளதாகவும் கூறப்படுகிறது. இந்த படத்தின் அதிகாரபூர்வ அறிவிப்பு இன்னும் வெளிவரவில்லை என்றாலும் இந்த படத்தின் முதல்கட்ட பணியை ஏ.ஆர்.முருகதாஸ் ஆரம்பித்துவிட்டதாக கூறப்படுகிறது.

இந்த நிலையில் இந்த படத்தில் பலமுறை தேசிய விருதுகள் பெற்ற சந்தோஷ் சிவன் ஒளிப்பதிவாளராக பணிபுரிய ஒப்பந்தம் செய்யப்பட்டுள்ளதாக செய்திகள் வெளிவந்துள்ளது. இவர் ஏற்கனவே ஏ.ஆர்.முருகதாஸ் இயக்கிய 'ஸ்பைடர்' படத்திற்கு ஒளிப்பதிவாளராக பணிபுரிந்துள்ளார் என்பது குறிப்பிடத்தக்கது.