தளபதி விஜய் நடித்த ’மாஸ்டர்’ திரைப்படம் விரைவில் வெளியாக இருக்கும் நிலையில் விஜய்யின் அடுத்த படத்தை இயக்குநர் ஏஆர் முருகதாஸ் இயக்க இருக்கிறார் என்பதும் இந்த படத்தை சன் பிக்சர்ஸ் நிறுவனம் தயாரிக்கவுள்ளது என்பதும் தெரிந்தது. இந்த படத்தின் ஆரம்பகட்ட பணிகள் தொடங்கிய நிலையில் திடீரென கொரோனா வைரஸ் காரணமாக ஊரடங்கு உத்தரவு பிறப்பிக்கப்பட்டுள்ளதால் இந்த படத்தின் பணிகள் நிறுத்தப்பட்டுள்ளது.

இந்த நிலையில் விஜய் ஏஆர் முருகதாஸ் மீண்டும் இணையும் இந்தப் படம் ’துப்பாக்கி 2’ படமாக இருக்க அதிக வாய்ப்பு இருப்பதாக கோலிவுட் வட்டாரங்கள் தெரிவித்துள்ளன. இந்த நிலையில் ’துப்பாக்கி’ படத்தில் ஒளிப்பதிவாளராக பணிபுரிந்த தேசிய விருது பெற்ற ஒளிப்பதிவாளர் சந்தோஷ் சிவன் அவர்கள் தனது சமூக வலைத்தளத்தில் ’துப்பாக்கி’ படத்தின் ஸ்டில்களை பதிவு செய்துள்ளார்

இந்த பதிவில் அவர் வேறு எதையும் தெரிவிக்கவில்லை என்றாலும், தளபதி விஜய் நடிக்கவிருக்கும் அடுத்த திரைப்படம் ’துப்பாக்கி 2’ படம் தான் என்றும் அந்த படத்தில் தான் பணி செய்ய இருப்பதை சந்தோஷ் சிவன் மறைமுகமாக தெரிவித்துள்ளதாகவும் விஜய் ரசிகர்கள் எடுத்துக் கொண்டனர். இதனை அடுத்து விஜய்யின் அடுத்த படம் ’துப்பாக்கி 2’ தான் என்பது கிட்டத்தட்ட உறுதி செய்து விட்டதாகவே கருதப்படுகிறது.

விஜய்-முருகதாஸ் சந்தோஷ் சிவன் ஆகிய மூவரும் மீண்டும் இணையும் ’துப்பாக்கி 2’ திரைப்படம் கோலிவுட் திரையுலகில் மாபெரும் வெற்றிப் படங்களில் ஒன்றாக இருக்கும் என்று கருதப்படுகிறது

View this post on Instagram

A post shared by Santosh Sivan ISC ASC (@sivan_santosh) on May 2, 2020 at 6:47am PDT