ரங்கன் வாத்தியார் மீம்ஸில் கலந்து கொண்ட சந்தோஷ் நாராயணன்: ஆர்யாவின் ரியாக்சன் என்ன தெரியுமா?
- IndiaGlitz, [Tuesday,August 10 2021]
பா ரஞ்சித் இயக்கத்தில் உருவான ’சார்பாட்டா பரம்பரை’ என்ற திரைப்படம் சமீபத்தில் வெளியாகி மிகப்பெரிய வெற்றி பெற்றது என்பதும் தெரிந்ததே. இந்த நிலையில் இந்த படத்தில் கபிலன் வேடத்தில் நடித்திருந்த ஆர்யா, ரங்கன் வாத்தியார் வேடத்தில் நடித்திருந்த பசுபதியை சைக்கிளில் அழைத்துச் செல்லும் காட்சியை வைத்து கடந்த சில நாட்களாக இணைய தளங்களில் மீம்ஸ்கள் உருவாகி வருகிறது என்பதும் அந்த மீம்ஸ்கள் மிகப்பெரிய அளவில் வைரலாகி வருகிறது என்பதும் தெரிந்ததே. அவதார் படம் உள்பட பல ஹாலிவுட் படங்களை இணைத்து இந்த மீம்ஸ் உருவாக்கி வருவது சுவாரஸ்யத்தை அதிகரித்துள்ளது என்பது குறிப்பிடத்தக்கது.
இந்த நிலையில் இந்த ரங்கன் வாத்தியார் மீம்ஸில் தற்போது இந்த படத்தின் இசையமைப்பாளர் சந்தோஷ் நாராயணன் அவர்களும் கலந்து கொண்டுள்ளார். அவர் தனது மனைவியை சைக்கிளின் பின்னால் உட்கார வைத்து ஓட்டிச் செல்வது போன்ற புகைப்படத்தை பதிவு செய்து ’என்ன வேலை செய்ய விடுங்க வாத்தியாரே’ என்று பதிவு செய்துள்ளார். இந்த பதிவிற்கு ஆர்யா தனது மகிழ்ச்சியை தெரிவித்துள்ளார் என்பது குறிப்பிடத்தக்கது.
மேலும் சந்தோஷ் நாராயணன் பதிவு செய்த இந்த புகைப்படத்தை வைத்தும் தற்போது மீம்ஸ்கள் தயாராகிவிட்டன. குறிப்பாக ’இவர்தான் நம்ம படத்தோட இசை வித்துவான்’ என்று மீம்ஸ்கள் உருவாகி வருகிறது என்பது குறிப்பிடத்தக்கது.
Sirrrrrrrrrrrr ???????????? https://t.co/kcspQJKX5w
— Arya (@arya_offl) August 9, 2021