ஒரே படத்தில் இணையும் இரண்டு அடல்ட் காமெடி இயக்குனர்கள்
- IndiaGlitz, [Friday,June 29 2018]
கோலிவுட்டில் அடல்ட் காமெடி படம் என்ற பிரிவை தொடங்கி வைத்தவர் ஆதிக் ரவிச்சந்திரன் என்று கூறலாம். இவர் இயக்கிய 'த்ரிஷா இல்லைனா நயன்தாரா' படம் மிகப்பெரிய வெற்றியை பெற்றது. இருப்பினும் அவர் அந்த ஒரு படத்துடன் அடல்ட் காமெடியை நிறுத்திவிட்டார்.
அதேபோல் சமீபத்தில் 'ஹரஹர மகாதேவகி' மற்றும் 'இருட்டு அறையில் முரட்டு குத்து' ஆகிய இரண்டு அடல்ட் காமெடி படங்களை இயக்கி இரண்டையும் வெற்றிப்படமாக்கியவர் இயக்குனர் சந்தோஷ்.
இந்த நிலையில் ஆதிக் ஹீரோவாக நடிக்க சந்தோஷ் தயாரிக்கும் படம் ஒன்று உருவாகவுள்ளது. இந்த படத்திற்கு 'டிங் டாங் பெல்' என்ற டைட்டில் தேர்வு செய்யப்பட்டுள்ளதாம். டைட்டிலை பார்த்தே இந்த படமும் அடல்ட் காமெடி படமாக இருக்கும் என்று கூறப்படுகிறது
ஒரு அடல்ட் காமெடி இயக்குனர் என்றாலே படம் முழுவதும் ஒரே இரட்டை அர்த்த வசனமாக இருக்கும் நிலையில் ஒரே படத்தில் இரண்டு அடல்ட் காமெடி இயக்குனர்கள் இணைந்துள்ளதால் இந்த படம் வேற லெவலில் இருக்கும் என்று எதிர்பார்க்கப்படுகிறது