நடிகர் சாந்தனு பாக்யராஜ், நடிகை கயல், நடிகர் பிரபு உள்பட பலர் நடிப்பில் உருவான ’ராவண கூட்டம்’ என்ற திரைப்படம் விரைவில் வெளியாக இருக்கும் நிலையில் இந்த படத்தின் டிரைலர் சற்றுமுன் வெளியாகி இணையதளங்களில் வைரல் ஆகி வருகிறது.

‘மதயானை கூட்டம்’ என்ற வெற்றி திரைப்படத்தை இயக்கிய விக்ரம் சுகுமாரன் இயக்கத்தில் உருவாகி உள்ள இந்த படம் முந்தைய படம் போலவே கிராமத்து கதையம்சம் கொண்டது என்பதும் ஒரு முக்கிய பிரச்சனையை இதில் கையாண்டுள்ளார் என டிரைலரில் இருந்து தெரியவந்துள்ளது. ஊரை இரண்டாக பிரித்து கலவரம் உண்டாக்கி அதில் புயல் குளிர் காயும் கயவர் கூட்டத்தை ஹீரோ சாந்தனு எப்படி முறியடிக்கிறார் என்பதுதான் இந்த படத்தின் இதை டிரைலரில் இருந்து தெரிகிறது.

நீண்ட இடைவேளைக்கு பிறகு சாந்தனுவுக்கு ஒரு வெற்றிப் படமாகவும் திரையுலக வாழ்வில் திருப்புமுனையை கொடுக்கும் படமாகவும் இருக்கும் என்று எதிர்பார்க்கப்படுகிறது. அதேபோல் இந்த படத்தின் பிரபு கேரக்டர் மிகவும் அழுத்தமாக உள்ளது என்பதும் நாயகி கயல் கேரக்டர் கதைக்கு வலுவாக இருக்கும் என்று தெரிகிறது.

விக்ரம் சுகுமாரன் இயக்கிய ’மதயானை கூட்டம்’ தமிழ் திரையுலகில் பெரும் பரபரப்பை ஏற்படுத்தியது போலவே இந்த ’ராவண கூட்டம்’ படமும் நிச்சயம் ஒரு சலசலப்பை ஏற்படுத்தும் என்று எதிர்பார்க்கப்படுகிறது. ஜஸ்டின் பிரபாகரன் இசையில் உருவான இந்த படத்தை கண்ணன் ரவி தயாரித்துள்ளார்.