close
Choose your channels

'மகாராஜா' படத்தை மிஸ் செய்தாரா சாந்தனு? அவரே சொன்ன தகவல்..!

Wednesday, August 21, 2024 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

இந்தியாவின் தலைசிறந்த திரைக்கதை ஆசிரியர் என்று கே.பாக்யராஜ் போற்றப்படும் நிலையில் அவரது மகன் சாந்தனு ஒரே ஒரு சூப்பர் ஹிட் வெற்றி படத்திற்காக பல ஆண்டுகளாக காத்திருக்கிறார். இந்த நிலையில் ’மகாராஜா’ திரைப்படத்தில் முதலில் சாந்தனு தான் நடிக்க இருந்ததாகவும் ஆனால் அந்த படத்தை அவர் மிஸ் செய்ததாகவும் செய்திகள் வரும் நிலையில் சாந்தனு தனது சமூக வலைத்தளத்தில் இது குறித்து விளக்கம் அளித்துள்ளார்.

சமீபத்தில் இயக்குனர் நிதிலன் சுவாமிநாதன் அளித்த பேட்டியில் ’நான் ஆரம்பத்தில் ஒரு கதையை பல நடிகர்களிடம் கூறினேன், குறிப்பாக சாந்தனு என்னுடைய கதையின் மீது நம்பிக்கை வைத்து அவரே சில தயாரிப்பாளர்களிடம் அழைத்துச் சென்றார். ஆனால் அந்த படம் உருவாகவில்லை.

அதன் பிறகு தான் நான் ’குரங்கு பொம்மை’ இயக்கினேன். மேலும் சாந்தனுவுக்கு கூறிய கதையின் ஒரு சிறு பகுதியை மட்டும் எடுத்துக் கொண்டு இயக்கிய படம் தான் ’மகாராஜா’ என்று கூறினார்.

இதுகுறித்து சாந்தனு தனது சமூக வலைத்தளத்தில், ‘மகாராஜா திரைப்படத்தின் மூலம் நிதிலன் உலக அளவில் ஒரு அங்கீகாரத்தை பெற்றுவிட்டது உண்மையில் மகிழ்ச்சி அடைகிறேன். 10 ஆண்டுகளுக்கு பிறகும் அவர் என்னுடைய பெயரை குறிப்பிட்டது ஆச்சரியமாக உள்ளது.

மேலும் ’மகாராஜா’ ஸ்கிரிப்ட்டை நானும் என் தந்தையும் நிராகரித்து விட்டதாக வெளியான செய்தியில் உண்மையில்லை. உண்மையில் நிதிலன் என்னிடம் கூறிய கதை குறித்து என் தந்தைக்கு தெரியாது. ஆனால் அதே நேரத்தில் தயாரிப்பாளர்கள் ரிஸ்க் எடுக்க தயாராக இல்லை, இருந்தாலும் அந்த படத்தின் கண்டன்ட் இன்று மகாராஜா ஆகியுள்ளது.

நான் இப்போதும் சிறந்த ஸ்கிரிப்டுகளை தான் தேடிக் கொண்டிருக்கிறேன். எல்லாவற்றிற்கும் காலம் தான் பதில் அளிக்க வேண்டும்’ என்று தெரிவித்துள்ளார். அவரது இந்த பதிவு தற்போது இணையத்தில் வைரல் ஆகி வருகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Welcome to IndiaGlitz comments! Please keep conversations courteous and relevant to the topic. To ensure productive and respectful discussions, you may see comments from our Community Managers, marked with an "IndiaGlitz Staff" label. For more details, refer to our community guidelines.
settings
Login to post comment
Cancel
Comment