தமிழ் திரையுலகம் 2015ஆம் ஆண்டில் பல வெற்றி, தோல்வி படங்களை கடந்துள்ள நிலையில் வரும் 2016ஆம் ஆண்டின் முதல் நாளிலேயே போட்டி போட்டு கொண்டு எட்டு படங்களை ரிலீஸ் செய்யும் நிலையில் உள்ளது.

சிம்ரன் நடித்த 'கரையோரம்' திரைப்படம் வரும் ஜனவரி 1-ல் ரிலீஸாகும் என முதன்முதலில் அறிவிக்கப்பட்டது. இதனை தொடர்ந்து கீதாஞ்சலி செல்வராகவனின் 'மாலை நேரத்து மயக்கம்', அதன் பின்னர் அழகு குட்டி செல்லம், கோடை மழை, நாலு பேரு நல்ல விதமா பேசுவாங்க, பேய்கள் ஜாக்கிரதை, தற்காப்பு ஆகிய படங்கள் புத்தாண்டில் ரிலீஸாகவுள்ளதாக அறிவிக்கப்பட்டுள்ளது.

இந்நிலையில் 'இனிமே இப்படித்தான்' படத்தை அடுத்து சந்தானம் முக்கிய கேரக்டரில் நடித்துள்ள 'வாலிப ராஜா' படமும் புத்தாண்டில் ரிலீஸ் ஆகவுள்ளதாக தற்போது அறிவிக்கப்பட்டுள்ளது. இந்த படத்தில் சந்தானத்துடன் 'கண்ணா லட்டு தின்ன ஆசையா' படத்தில் நடித்த சேது, விசாகாசிங் உள்பட பலர் நடித்துள்ளனர். சாய் கோகுல் ரகுநாத் இயக்கியுள்ள இந்த படத்திற்கு ராதன் இசையமைத்துள்ளார்.