சந்தானம் நடிக்கும் மூன்று வேட படத்தின் டைட்டில் அறிவிப்பு
- IndiaGlitz, [Thursday,September 05 2019]
முன்னணி நடிகர்களின் திரைப்படங்களில் காமெடி நடிகராக நடித்து வந்த நடிகர் சந்தானம் தற்போது ஹீரோவாக புரமோஷன் பெற்று வரிசையாக வெற்றிப்படங்களை கொடுத்து வருகிறார். ஹீரோ ஆனாலும் காமெடிக்கு முக்கியத்துவம் கொண்ட கதையாக தேர்வு செய்து நடிப்பதே இவரது தொடர் வெற்றிக்கு காரணமாக பார்க்கப்படுகிறது
இந்த நிலையில் சந்தானம் முதல்முறையாக மூன்று வேடத்தில் ஒரு படத்தில் நடிக்கவுள்ளார் என்பதையும் இந்த படத்தை கேஜேஆர் ஸ்டுடியோஸ் நிறுவனம் தயாரிக்கவுள்ளது என்று வெளிவந்த செய்தியையும் ஏற்கனவே பார்த்தோம். இந்த படத்தின் டைட்டில் இன்று அறிவிக்கப்படவிருப்பதாக ஏற்கனவே செய்திகள் வெளிவந்த நிலையில் சற்றுமுன் இந்த படத்திற்கு ‘டிக்கிலோனா’ என்ற டைட்டில் அறிவிக்கப்பட்டுள்ளது
மேலும் ‘டிக்கிலோனா’ டைட்டில் போஸ்டரில் SAN - THA - NAM என்று குறிப்பிடப்பட்டிருப்பதால் மூன்று கேரக்டர்களின் பெயர்கள் இந்த எழுத்தில் தொடங்கும் என எதிர்பார்க்கப்படுகிறது. கார்த்திக் யோகி இயக்கத்தில் உருவாகவிருக்கும் இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த விபரங்கள் மிக விரைவில் அறிவிக்கப்படும் என எதிர்பார்க்கப்படுகிறது