சூப்பர் ஸ்டார் ரஜினிகாந்த், உலக நாயகன் கமல்ஹாசன் ஆகிய இருவருமே வரும் ஜனவரியில் தங்கள் அரசியல் வருகை குறித்த அறிவிப்பை வெளியிடவுள்ளதாக எதிர்பார்க்கப்படும் நிலையில் இருபெரும் நடிகர்கள் ஒரே நேரத்தில் கட்சி ஆரம்பித்தால் கோலிவுட் திரையுலகினர் யாருக்கு ஆதரவு தருவார்கள் என்ற கேள்வி பலரது மனதில் எழுந்துள்ளது.

இந்த நிலையில் 'சக்க போடு போடு ராஜா' செய்தியாளர்கள் சந்திப்பில் இதுகுறித்த கேள்வி ஒன்றுக்கு பதிலளித்த சந்தானம், 'முதலில் கமல், ரஜினி இருவரும் அரசியலுக்கு வரட்டும். வந்த பின்னர் அவர்களுடைய கொள்கைகள் என்ன? மக்களுக்கு என்னென்ன செய்வார்கள்? என்று சொல்லட்டும் அதன் பின்னர் யாருக்கு ஆதரவு தருவது என்பது குறித்து முடிவு செய்வேன்

நடிகர்கள் அரசியலுக்கு வருவது நல்ல விஷயம் தான். தாராளமாக நடிகர்களும் அரசியல் செய்யலாம். ஆனால் எனக்கு இப்போதைக்கு அரசியல் எண்ணம் இல்லை' என்று கூறினார்.