ஆர்யா, நயன்தாரா, சந்தானம் நடிப்பில் வெளியான 'பாஸ் என்கிற பாஸ்கரன்' திரைப்படம் 'எந்திரன்' என்ற மிகப்பெரிய சுனாமியை சமாளித்து வசூலை அள்ளிய படம். முழுக்க முழுக்க நகைச்சுவைக்கு முக்கியத்துவம் கொடுத்து எடுக்கப்பட்ட இந்த படத்தின் தயாரிப்பு நிறுவனமான வாசன் விஷுவல்ஸ் வென்ச்சர்ஸ் நிறுவனம் தயாரிக்கவுள்ள அடுத்த படத்தில் சந்தானம் ஹீரோவாக நடிக்கவுள்ளதாக செய்திகள் வெளிவந்துள்ளது.

இந்த படத்தை இயக்குனர் மணிகண்டன் இயக்கவுள்ளார். இவர் ஏற்கனவே சந்தானம் முக்கிய வேடத்தில் நடித்த 'கண்ணா லட்டு தின்ன ஆசையா' என்ற படத்தை இயக்கியவர் என்பது குறிப்பிடத்தக்கது. நகைச்சுவை மற்றும் ஃபேமிலி எண்டர்டெயின்மெண்ட் திரைப்படமாக உருவாகவுள்ள இந்த படத்தில் நடிக்கவுள்ள நாயகி உள்பட மற்ற நடிகர், நடிகைகள் தேர்வு நடைபெற்று வருவதாகவும் விரைவில் இந்த படத்தின் அறிவிப்பு அறிவிக்கப்படவுள்ளதாகவும், இந்த படத்தின் படப்பிடிப்பு வரும் அக்டோபர் மாதம் தொடங்கவுள்ளதாகவும் தயாரிப்பு தரப்பில் இருந்து தெரிவிக்கப்பட்டுள்ளது.

சந்தானம் தற்போது 'சர்வர் சுந்தரம்' என்ற படத்தில் நடித்து வருகிறா.ர் இந்த படத்தை முடித்தவுடன் அவர் செல்வராகவன் இயக்கத்தில் ஒரு படத்தில் நடிக்கவுள்ளார். இதனையடுத்து சந்தானம், மணிகண்டன் படத்தில் நடிப்பார் என எதிர்பார்க்கப்படுகிறது.