தமிழ் திரையுலகின் முன்னணி காமெடி நடிகராக இருந்து பின்னர் ஹீரோவாகிய நடிகர் சந்தானம், ஹீரோவாகவும் வெற்றி பெற்று முன்னேறி வருகிறார். இந்த நிலையில் அவர் ஹீரோவாக நடித்து கொண்டிருக்கும் ஒரு படத்தின் டைட்டிலுடன் கூடிய ஃபர்ஸ்ட்லுக் போஸ்டர் சற்றுமுன் வெளியாகியுள்ளது.

சந்தானம் நடித்து வரும் புதிய படத்திற்கு 'டகால்டி' என்ற டைட்டில் வைக்கப்பட்டுள்ளது. சிகரெட்டை ஸ்டைலாக பற்ற வைக்கும் சந்தானத்தின் ஸ்டில் இந்த ஃபர்ஸ்ட்லுக்கில் இடம்பெற்றுள்ளது. விஜய் ஆனந்த் இயக்கி வரும் இந்த படத்திற்கு விஜய் நரேன் என்பவர் இசையமைத்து வருகிறார். தீபக்குமார் ஒளிப்பதிவில், சுரேஷ் படத்தொகுப்பில் ஸ்டண்ட் சில்வா சண்டைப்பயிற்சியில் உருவாகி வரும் இந்த படத்தில் சந்தானம் ஜோடியாக ரித்திகா சென் நடித்து வருகிறார். மேலும் இந்த படத்தில் யோகிபாபு முக்கிய வேடத்தில் நடிக்கின்றார் என்பது குறிப்பிடத்தக்கது.

மேலும் சந்தானம் தற்போது 'A1', என்ற படத்திலும் நடித்து வருகிறார். அவர் ஏற்கனவே நடித்து முடித்துள்ள 'சர்வர் சுந்தரம்', 'மன்னவன் வந்தானடி' ஆகிய திரைப்படங்கள் விரைவில் வெளியாகும் என எதிர்பார்க்கப்படுகிறது.