ஆக்சன் ஹீரோ என்பதை சந்தானம் நிரூபித்துவிட்டார். ஆர்யா
- IndiaGlitz, [Saturday,October 14 2017]
சந்தானம் ஹீரோவாக நடித்த 'சக்க போடு போடு ராஜா' படத்தின் இசை வெளியீட்டு விழா இன்று சென்னையில் நடைபெற்றது. இந்த விழாவில் சந்தானம், இசையமைப்பாளர் சிம்பு உள்பட படக்குழுவினர் அனைவரும் கலந்து கொண்டனர். இந்த விழாவில் சந்தானத்தின் நெருங்கிய நண்பரும் நடிகருமான ஆர்யா சிறப்பு விருந்தினராக கலந்து கொண்டார்.
இந்த விழாவில் ஆர்யா பேசியபோது, 'சந்தானம் காமெடி நடிகராக இருக்கும்போதே அவர் ஒரு இயல்பான நடிகர். அவருடன் நடிக்கும்போது எங்களுக்கே கஷ்டமாக இருக்கும். இப்போது ஆக்சன் ஹீரோவாக மாறிவிட்டார். சந்தானம் ஆக்சன் ஹீரோவா இல்லையா என்பது குறித்து யாருக்கும் சந்தேகம் வேண்டாம். ஏனெனில் சமீபத்தில் தான் அவர் ஒரு ரியல் ஆக்சன் செய்துள்ளார். அடிகொடுத்த சந்தானத்திற்கே கையில் கட்டு என்றால் அடி வாங்கியவர் நிலைமையை நினைத்தால் கஷ்டமாக உள்ளது' என்று ஆர்யா பேசினார். ஆக்சன் ஹீரோவாக நடிப்பதற்கே ஒரு துணிச்சல் வேண்டும் என்றும் அந்த துணிச்சலுடன் சந்தானம் நடித்துள்ள இந்த படம் நிச்சயம் வெற்றி பெற வேண்டும் என்று வாழ்த்துவதாகவும் ஆர்யா மேலும் கூறினார்
சந்தானம், வைபவி, விவேக், விடிவி கணேஷ், ரோபோ சங்கர், உள்பட பலர் நடித்து வரும் இந்த படத்தை சேதுராமன் இயக்கி வருகிறார். விடிவி புரடொக்சன்ஸ் தயாரிக்கும் இந்த படம் இவ்வாண்டு இறுதியில் வெளியாகும் என்று எதிர்பார்க்கப்படுகிறது.