சந்தானம் நடித்து முடித்துள்ள ’வடக்குப்பட்டி ராமசாமி’ என்ற திரைப்படம் வரும் பிப்ரவரி 2ஆம் தேதி திரையரங்குகளில் வெளியாக இருக்கும் நிலையில் இந்த படத்தின் டிரைலர் சற்றுமுன் வெளியாகி இணையத்தில் வைரல் ஆகி வருகிறது.

இரண்டு நிமிடங்களுக்கு மேல் உள்ள இந்த ட்ரெய்லரில் ஒரு கிராமத்தில் உள்ள மக்களின் மூடநம்பிக்கைகளை பயன்படுத்தி பணம் சம்பாதிக்கும் சந்தானம் குறித்த காட்சிகள் காமெடியாக உள்ளது.

இந்த ட்ரெய்லரில் உள்ள காட்சிகளை பார்க்கும்போது முழுக்க முழுக்க காமெடி கதையம் கொண்ட படம் என்பது உறுதியாகி உள்ளது. கடந்த 1960 ஆம் ஆண்டு காலத்தில் நடைபெறும் கதை என்று கூறப்படும் இந்த படத்தின் சந்தானம், மேகா ஆகாஷ், எம்.எஸ். பாஸ்கர், நிழல்கள் ரவி, ரவி மரியா, மொட்டை ராஜேந்திரன் உள்ளிட்ட பலர் நடித்துள்ளனர்.

கார்த்திக் யோகி இயக்கத்தில் சீன் ரோல்டன் இசையில், தீபக் படத்தொகுப்பில் உருவாகியுள்ள இந்த படம் சந்தானத்திற்கு இன்னொரு வெற்றிப்படமாக உருவாகும் என எதிர்பார்க்கப்படுகிறது.