சந்தானம் நடித்த ’பாரீஸ் ஜெயராஜ்’ படத்தின் பிரஸ்மீட் இன்று நடந்த நிலையில் இந்த பிரஸ்மீட்டில் சந்தானத்திடம் கேட்கப்பட்ட சுவராஸ்யமான கேள்விகளுக்கு அவரும் சுவராஸ்யமான பதில்களை அளித்தார்

இந்த கேள்வி பதில் நிகழ்ச்சியில் ’உதயநிதி நடித்த பல படங்களுக்கு நீங்கள் காமெடி நடிகராக நடித்து அந்த படத்தின் வெற்றிக்கு உறுதுணையாக இருந்திருக்கிறீர்கள். அதேபோல் தற்போது அவர் அரசியலில் தீவிரமாக ஈடுபட்டுள்ளார். அரசியலிலும் அவருக்கு உதவி செய்வீர்களா? என்று செய்தியாளர்கள் கேள்வி கேட்டனர்

இந்த கேள்விக்கு பதிலளித்த சந்தானம் ’ராஜ்யசபா எம்பி பதவி கொடுத்தால் யோசிக்கலாம்’ என்று காமெடியாக கூறிவிட்டு ’நாம் பார்க்கும் வேலையை ஒழுங்காக பார்த்தாலே போதும் என்று நினைப்பவன் நான். எனவே இப்போதைக்கு நான் சினிமாவை தவிர வேறு எதிலும் ஈடுபட வாய்ப்பு இல்லை’ என்று கூறினார். ‘உதயநிதி படத்தில் நடிக்கும் போது அந்த படம் நன்றாக வரவேண்டும் என்பதற்காக என்னால் முடிந்த நடிப்பை வெளிப்படுத்தினேன். அதேபோல் தொடர்ந்து நடிப்பில் இருப்பதற்கே நான் விரும்புகிறேன். இப்போதைக்கு அரசியலில் ஈடுபடும் எண்ணம் இல்லை’ என்று கூறினார்.