தளபதி விஜய் நடித்த ’மாஸ்டர்’ படத்தின் பிரபலத்தின் அடுத்த படத்தில் சந்தானம் ஹீரோவாக நடிக்க இருப்பதாக அறிவிக்கப்பட்டுள்ளது.

தளபதி விஜய் நடித்த ’மாஸ்டர்’ திரைப்படத்தில் வசனகர்த்தாவாக பணிபுரிந்தவர் இயக்குனர் ரத்னகுமார் என்பதும் இவர் ’மேயாதமான்’ ’ஆடை’ போன்ற படங்களை இயக்கி உள்ளார் என்பதும் குறிப்பிடத்தக்கது.

இந்த நிலையில் ரத்னகுமார் இயக்கத்தில் உருவாக இருக்கும் அடுத்த படம் குறித்த அதிகாரப்பூர்வ அறிவிப்பு வெளியாகி உள்ளது. இந்த படத்தில் சந்தானம் ஹீரோவாக நடிக்க உள்ளார் என்பதும் சந்தோஷ் நாராயணன் இசையமைக்க உள்ளார் என்பது குறிப்பிடத்தக்கது .

இந்த படத்தின் டைட்டில் போஸ்டர் இன்று மாலை 5 மணிக்கு வெளியாக இருப்பதாகவும் இந்த டைட்டில் போஸ்டரை தமிழ் திரையுலகின் பிரபலங்களான கௌதம் மேனன், கார்த்திக் சுப்புராஜ், வெங்கட்பிரபு, லோகேஷ் கனகராஜ் மற்றும் நெல்சன் ஆகியோர் வெளியிடப் போவதாகவும் அறிவிக்கப்பட்டுள்ளது. இந்த படத்தின் டைட்டில் என்னவாக இருக்கும் என்பதை இன்று மாலை வரை பொறுத்திருந்து பார்ப்போம்.