சந்தானத்தின் 'தில்லுக்கு துட்டு' ரிலீஸ் தேதி?
- IndiaGlitz, [Thursday,June 09 2016]
கோலிவுட்டின் முன்னணி காமெடி நடிகரான சந்தானம் சமீபத்தில் ஹீரோவாக பதவியுயர்வு பெற்று தற்போது ஹீரோவாக மட்டுமே ஒருசில படங்களில் நடித்து வருகிறார். இந்நிலையில் அவர் ஹீரோவாக நடித்து முடித்துள்ள 'தில்லுக்கு துட்டு' படத்தின் படப்பிடிப்புகள் சமீபத்தில் முடிவடைந்து தற்போது போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருகிறது.
இந்நிலையில் இந்த படத்தின் டப்பிங் பணிகள் மற்றும் பின்னணி இசைப்பணிகள் முற்றிலும் முடிந்துவிட்டதாகவும் இன்னும் ஒருசில பணிகள் முடிந்தவுடன் இந்த படம் சென்சாருக்கு செல்லவுள்ளதாகவும் தகவல்கள் வெளிவந்துள்ளது. மேலும் இந்த படம் வரும் 24ஆம் தேதி வெளியாக வாய்ப்பு இருப்பதாக கூறப்படுகிறது. இதே நாளில்தான் தனுஷின் 'அம்மா கணக்கு' திரைப்படம் ரிலீஸ் ஆகவுள்ளது என்பது குறிப்பிடத்தக்கது.
சந்தானம், ஷனன்யா, கருணாஸ், மொட்டை ராஜேந்திரன், ஆனந்த்ராஜ், சிங்கமுத்து உள்ளிட்ட பலர் நடித்துள்ள இந்த படத்தை 'லொள்ளுசபா' ராம்பாலா இயக்கியுள்ளார். எஸ்.தமன் இசையமைத்துள்ள இந்த படத்தை ஸ்ரீதேனாண்டாள் பிலிம்ஸ் தயாரித்துள்ளது.