சந்தானத்தின் 'தில்லுக்கு துட்டு'. 4 நாட்கள் வசூல் நிலவரம்
- IndiaGlitz, [Monday,July 11 2016]
கோலிவுட்டின் முன்னணி காமெடி நடிகராக இருந்த சந்தானம், 'வல்லவனுக்கு புல்லும் ஆயுதம்', 'இனிமே இப்படித்தான்' ஆகிய படங்களில் ஹீரோவாக நடித்தார். இந்த இரண்டு படங்கள் கொடுத்த வெற்றியின் காரணமாக இனிமேல் ஹீரோவாக மட்டுமே நடிக்க முடிவெடுத்து அவர் நடித்த படம் 'தில்லுக்கு துட்டு'
முதல்முறையாக திகில் படம் ஒன்றில் நாயகனாக சந்தானம் நடித்த இந்த படம் கடந்த வாரம் வெளியாகி நல்ல வரவேற்பை பெற்றுள்ளது. ரம்ஜான் விடுமுறை தினத்துடன் இணைந்த நான்கு நாட்களில் இந்த படம் தமிழகத்தில் ரூ.13.5 கோடி வசூல் செய்துள்ளது. இது சந்தானம் நடித்த படங்களில் அதிகபட்ச வசூல் என்பது குறிப்பிடத்தக்கது.
குறிப்பாக சென்னையில் ரூ.1.37 கோடியும், செங்கல்பட்டில் ரூ.3.5 கோடியும், கோவையில் ரூ.2.7 கோடியும் வசூல் செய்துள்ளது. சந்தானம், ஷனன்யா, கருணாஸ், மொட்டை ராஜேந்திரன், ஆனந்த்ராஜ், சிங்கமுத்து உள்ளிட்ட பலர் நடித்துள்ள இந்த படத்தை 'லொள்ளுசபா' ராம்பாலா இயக்கியுள்ளார். எஸ்.தமன் இசையமைத்துள்ள இந்த படத்தை ஸ்ரீதேனாண்டாள் பிலிம்ஸ் தயாரித்துள்ளது.