'வடக்குப்பட்டி ராமசாமி' உள்பட இந்த வாரம் எத்தனை திரைப்படங்கள்? ஓடிடி ரிலீஸ் தகவல்..!
- IndiaGlitz, [Thursday,March 14 2024]
சந்தானம் நடித்த ’வடக்குப்பட்டி ராமசாமி’ என்ற திரைப்படம் நாளை முதல் ஓடிடியில் வெளியாக இருக்கும் நிலையில் இந்த வாரம் வெளியாகும் ஓடிடி ரிலீஸ் படங்கள் குறித்த தகவலை தற்போது பார்ப்போம்.
சந்தானம் நடித்த ’வடக்குப்பட்டி ராமசாமி’ திரைப்படம் கடந்த மாதம் திரையரங்குகளில் வெளியாகி நல்ல வரவேற்பை பெற்ற நிலையில் நாளை முதல் இந்த படம் ஆகா ஓடிடியில் வெளியாக உள்ளதாக அறிவிக்கப்பட்டுள்ளது. திரையரங்குகளை போலவே ஓடிடியிலும் இந்த படம் பெரும் வரவேற்பு பெரும் என்று எதிர்பார்க்கப்படுகிறது.
அதை போல் டெண்ட்கொட்டா என்ற ஓடிடியில் ‘நந்திவர்மன்’ என்ற தமிழ் படம் வெளியாக உள்ளது. மேற்கண்ட இந்த இரண்டு தமிழ்ப்படங்கள் மட்டும் இந்த வாரம் ஓடிடியில் வெளியாகவுள்ளது.
ஆனால் அதே நேரத்தில் மலையாளத்தில் வெளியான சூப்பர்ஹிட் படமான மம்முட்டியின் ‘பிரம்மயுகம்’ சோனி லைவ் ஓடிடியில், ‘ஆட்டம்’ என்ற மலையாள திரைப்படம் அமேசான் ப்ரைம் ஓடிடியில் நாளை முதல் வெளியாகவுள்ளது.
மேலும் இந்தியா முழுவதும் பெரும் வசூலை வாரி குவித்த பாலிவுட் திரைப்படமான ‘அனுமன்’ ஜியோ சினிமா ஓடிடியில் வெளியாக உள்ளது.