ஒரே நேரத்தில் அப்பாவாகும் ஒரே இயக்குனரின் ஹீரோக்கள்
- IndiaGlitz, [Thursday,March 05 2020]
விஜய் டிவியில் ஒளிபரப்பான ‘ராஜா ராணி’ சீரியலின் ஹீரோ சஞ்சிவ் மற்றும் இந்த சீரியலில் நாயகி ஆல்யா சமீபத்தில் திருமணம் செய்து கொண்ட நிலையில் தற்போது ஆல்யா கர்ப்பமாகவுள்ளார். இந்த நிலையில் ‘நெஞ்சமுண்டு நேர்மையுண்டு ஓடு ராஜா’ படத்தின் நாயகன் ரியோராஜ் மனைவி ஸ்ருதியும் தற்போது கர்ப்பமாக உள்ளார்.
ரியோ ராஜ், சஞ்சீவ் ஆகிய இருவரும் விரைவில் அப்பாவாக உள்ள நிலையில் சஞ்சீவ் தனது சமூக வலைத்தளத்தில் ஒரு பதிவை பதிவு செய்துள்ளார். அதில் அவர் கூறியிருப்பதாவது: ஒரே டைரக்டருக்கு ஹீரோ, ஒரே டைம்ல டாடி ஆகப்போறோம். ஒரே ஹாஸ்பிட்டல்ல பாக்குறோமே. ரியோ, ஸ்ருதிக்கு வாழ்த்துக்கள் என்று கூறியுள்ளார்.
சஞ்சீவ் கார்த்திக் தற்போது விஜய் டிவியில் ஒளிபரப்பாகி வரும் சீரியல் ஒன்றில் நடிக்கின்றார் என்பதும், ரியோ ராஜ் நடித்து முடித்துள்ள ‘பிளான் பண்ணி பண்ணனும் என்ற திரைப்படம் விரைவில் வெளியாகவுள்ளது என்பதும் குறிப்பிடத்தக்கது.
View this post on InstagramA post shared by sanjeev (@sanjeev_karthick) on Mar 3, 2020 at 7:21am PST