தளபதி விஜய் நடித்து வரும் ‘லியோ’ படத்தின் படப்பிடிப்பு கடந்த சில வாரங்களாக காஷ்மீரில் நடைபெற்று வரும் நிலையில் இந்த படப்பிடிப்பில் சமீபத்தில் பிரபல பாலிவுட் நடிகர் சஞ்சய் தத் கலந்து கொண்டார் என்பதை ஏற்கனவே பார்த்தோம். இந்த நிலையில் தற்போது சஞ்சய் தத் சம்பந்தப்பட்ட காட்சிகளின் படப்பிடிப்பு முடிவடைந்ததை அடுத்து அவரை படக்குழுவினர் வழி அனுப்பி வைத்த புகைப்படம் இணையதளங்களில் வைரல் ஆகி வருகிறது.

தளபதி விஜய் நடிப்பில், லோகேஷ் கனகராஜ் இயக்கத்தில், அனிருத் இசையில் உருவாகி வரும் திரைப்படம் ‘லியோ’. இந்த படத்தின் படப்பிடிப்பில் சமீபத்தில் சஞ்சய்தத் இணைந்தார் என்பதும் அவர் இந்த படத்தில் மெயின் வில்லனாக நடித்து வருகிறார் என்றும் விஜய்-சஞ்சய்தத் ஆக்சன் காட்சிகள் படமாக்கப்பட்டதாகவும் கூறப்படுகிறது.

இந்த நிலையில் சஞ்சய் தத் காஷ்மீர் படப்பிடிப்பை முடித்துவிட்டு கிளம்பிய நிலையில் அவரை படத்தின் தயாரிப்பாளர் லலித் மற்றும் விஜய்யின் மேனேஜர் வழியனுப்பி வைத்துள்ளனர். இது குறித்த டுவிட்டர் பதிவில் ’சஞ்சய் தத் அவர்களுடன் பணி புரிந்தது மிகவும் மகிழ்ச்சியான அனுபவம், மிகவும் எளிமையான இனிமையான மனிதர் என்றும் தெரிவித்துள்ளனர்.

மேலும் அடுத்த கட்டமாக சென்னை படப்பிடிப்பில் உங்களை சந்திக்கிறோம் என்றும் மீண்டும் சந்திப்போம் சார் என்றும் பதிவு செய்யப்பட்டுள்ளது. இந்த பதிவு தற்போது வைரல் ஆகி வருகிறது.

Thank you @duttsanjay sir, you’ve been such a sweet & down to earth person.Our entire team enjoyed seeing your performance so close by, you rocked as usual sir.

Eagerly waiting to see you back on the sets in the Chennai schedule.

Meendum sandhippom sir❤️

- With Luv,Team #LEO pic.twitter.com/4bPn09c9Ea

— Seven Screen Studio (@7screenstudio) March 17, 2023