பிரபல டென்னிஸ் வீராங்கனை சானியா மிர்சா கர்ப்பமாக இருப்பதாக அவர் தனது சமூக வலைத்தளத்தில் சூசகமாக தெரிவித்துள்ளார்.

பாகிஸ்தான் கிரிக்கெட் வீரர் சோயிப் மாலிக்கை கடந்த 2010ஆம் ஆண்டு சானியா மிர்சா திருமணம் செய்து கொண்டார். பாகிஸ்தான் வீரரை திருமணம் செய்து கொண்டாலும் அவர் இந்தியாவுக்காகவே டென்னிஸ் விளையாடி பல வெற்றிகளை குவித்தார். 

திருமணத்திற்கு பின்னர் சானியா மிர்சா பெண்கள் இரட்டையர் பிரிவில் ஆஸ்திரேலிய ஓபன் (2016), விம்பிள்டன் (2015), யூ.எஸ். ஓபன் (2015) சாம்பியன் பட்டமும், கலப்பு இரட்டையர் பிரிவில் ஆஸ்திரேலிய ஓபன் (2009), பிரஞ்சு ஓபன் (2012), யூ.எஸ். ஓபன் (2014) சாம்பியன் பட்டங்களையும் வென்றுள்ளார்

இந்த நிலையில் சானியா மிர்சா தனது சமூக வலைத்தளத்தில், தான் தாயாகவுள்ளதாக ஒரு படத்தின் மூலம் சூசகமாக தெரிவித்துள்ளார். அந்த படத்தில் ஒருபக்கம் மிர்சா என்றும் இன்னொரு பக்கம் மாலிக் என்றும் நடுவில் சின்னதாக மிர்சா மாலிக் என்றும் குறிப்பிட்டு தான் விரைவில் 'அம்மா' என்ற புதிய பதவியை அடையவுள்ளதை குறிப்பிட்டுள்ளார்

சானியா மிர்சாவின் இந்த டுவீட்டுக்கு ஆயிரக்கணக்கில் லைக்ஸ்கள் குவிந்து வருவதோடும் அவருக்கு டென்னிஸ் ரசிகர்கள் வாழ்த்துக்களையும் தெரிவித்து வருகின்றனர்