தல தோனியின் மனைவி சாக்‌ஷி தோனி தனது 32வது பிறந்த நாளை துபாயில் கொண்டாடியுள்ள நிலையில் இந்த பிறந்தநாள் கொண்டாட்ட விழாவில் பிரபல விளையாட்டு வீராங்கனை தனது கணவருடன் கலந்து கொண்ட புகைப்படங்கள் சமூக வலைத்தளங்களில் வைரலாகி வருகிறது

தல தோனி சமீபத்தில் ஐபிஎல் போட்டியில் விளையாடுவதற்காக குடும்பத்துடன் துபாய் சென்றார் என்பது தெரிந்ததே. ஐபிஎல் போட்டி முடிவடைந்த பின்னரும் தனது குடும்பத்துடன் அவர் துபாயில் ஓய்வு எடுத்து வருகிறார்

இந்த நிலையில் தல தோனியின் மனைவி சாக்‌ஷி தோனியின் பிறந்தநாள் நேற்று துபாயில் கொண்டாடப்பட்டது. இதனை அடுத்து அவருக்கு விளையாட்டு வீரர்கள் மற்றும் திரையுலக பிரபலங்கள் பிறந்தநாள் வாழ்த்துக்களை தெரிவித்தனர். இதனையடுத்து நேற்று நடந்த சாக்‌ஷி தோனி பிறந்த நாள் கொண்டாட்டத்தில் பிரபல டென்னிஸ் வீராங்கனை சானியா மிர்சா தனது கணவர் சோயப் மாலிக்குடன் கலந்து கொண்டார். இதுகுறித்த புகைப்படங்கள் சாக்‌ஷி தோனி மற்றும் சானியா மிர்சாவின் சமூக வலைத்தளங்களில் வைரலாகி வருகிறது

கடந்த ஐந்து நாட்களுக்கு முன் அதாவது நவம்பர் 15ஆம் தேதி தான் சானியா மிர்சா தனது பிறந்த நாளை துபாயில் கொண்டாடினார் என்பது குறிப்பிடத்தக்கது.

View this post on Instagram

A post shared by Sakshi Singh Dhoni (@sakshisingh_r)